ମୁମ୍ବାଇ: ବଲିଉଡ ଅଭିନେତ୍ରୀ ସୋନମ କପୁର ନିକଟରେ ତାଙ୍କ ପୁଅର ନାମକରଣ କରିଛନ୍ତି । ପ୍ରଶଂସକ ସୋନମଙ୍କ ପୁଅର ନାମ ଜାଣିବା ପରେ ଏବେ ସେ ଆସିଛନ୍ତି ଚର୍ଚ୍ଚାକୁ । ସୋନମ ତାଙ୍କ ପୁଅର ନାମ ବାୟୁ ରଖିଛନ୍ତି । ସୋନମ ମୁମ୍ବାଇରେ ପୁଅର ନାମକରଣ କରିଛନ୍ତି । ସେ ଏବେ ଇନଷ୍ଟାଗ୍ରାମରେ ତାଙ୍କ ଫ୍ୟାମିଲି ଫଟୋ ଶେୟାର କରିଛନ୍ତି । ଏଥିରେ ସେ ତାଙ୍କ ପୁଅର ନାମ ବାୟୁ ରଖିଥିବା ବେଳେ ଏହାର ଅର୍ଥ ବୁଝାଇଛନ୍ତି ।
ଏଥିରେ ସେ ତାଙ୍କ ପୁଅର ନାମ ବାୟୁ ରଖିଥିବା ବେଳେ ଏହାର ଅର୍ଥ ବୁଝାଇଛନ୍ତି ।
ଏଥିରେ ସେ କହିଛନ୍ତି, ହିନ୍ଦୁ ଶାସ୍ତ୍ରରେ ବାୟୁ ପଞ୍ଚତତ୍ତ୍ୱ ମଧ୍ୟରୁ ଗୋଟିଏ । ଏହା ନିଶ୍ୱାସର ଦେବତା, ହନୁମାନ, ଭୀମ ଓ ମାଧବଙ୍କର ଆଧ୍ୟାତ୍ମିକ ପିତା ଓ ବାୟୁର ଅବିଶ୍ୱନୀୟ ରୂପର ଶକ୍ତିଶାଳୀ ସ୍ୱାମି ଅଟନ୍ତି ।
ଏହାସହ ସୋନମ ଆହୁରି ମଧ୍ୟ କହିଛନ୍ତି, ପ୍ରାଣ ବାୟୁ ଅଟେ, ଯିଏ ବ୍ରହ୍ମାଣ୍ଡରେ ଜୀବନ ଓ ବୃଦ୍ଧିର ମାର୍ଗଦର୍ଶକ ଶକ୍ତି ଅଟେ । ପ୍ରାଣ, ଇନ୍ଦ୍ର, ଶିବ ଓ କାଳୀ ସମସ୍ତ ଦେବତାଙ୍କର ବାୟୁ ସହ ସମ୍ପର୍କ ରହିଛି । ଏହା ଜୀବ ମଧ୍ୟରେ ଅତି ସାଧାରଣ ଭାବେ ଜୀବନ ଦେଇପାରେ । ଯେମିତି ଏହା ଖରାପକୁ ନଷ୍ଟ କରିପାରେ । ବାୟୁକୁ ବୀର, ବାହଦୂର ଓ ମନ୍ତ୍ରମୁଗ୍ଧ କରୁଥିବା ସୁନ୍ଦର ବୋଲିି କୁହାଯାଇଥାଏ । ସୋନମଙ୍କ ଏହି ଚିନ୍ତାଧାରାକୁ ପ୍ରଶଂସକ ଖୁବ୍ ପ୍ରଶଂସା କରୁଛନ୍ତି । ଏହାସହ କରିନା କପୁରଙ୍କୁ ଏଥିରୁ କିଛି ଶିଖିବାକୁ କେତେଜଣ ୟୁଜର୍ସ କହିଥିବା ଦେଖାଯାଇଛି । ସୂଚନାଯୋଗ୍ୟ, କରିନା ତାଙ୍କ ଦୁଇ ପୁଅଙ୍କ ନାମ ତୈମୁର ଓ ଜାହାଙ୍ଗିର ରଖିଛନ୍ତି । ଏହା ମୋଗଲ ଶାସକଙ୍କ ସହ ଜଡିତ ନାମ ଯାହା ପାଇଁ କରିନା ଟ୍ରୋଲ ହେଉଛନ୍ତି । ହେଲେ ସୋନମ କପୁର ହିନ୍ଦୁ ଧର୍ମକୁ ସମ୍ମାନ କରୁଛନ୍ତି ବୋଲି କେତେଜଣ ୟୁଜର୍ସ କହିଛନ୍ତି ।
ସୂଚନାଯୋଗ୍ୟ, ସୋନମ କପୁର ଓ ଆନନ୍ଦ ଆହୁଜା ୨୦ ଅଗଷ୍ଟରେ ପ୍ୟାରେଣ୍ଟସ୍ ହୋଇଥିଲେ । ଗୋଟିଏ ଦିନ ପୂର୍ବରୁ ତାଙ୍କ ପୁଅର ୱାନ ମନ୍ଥ ଆନିଭର୍ସାରି ପାଳନ କରାଯାଇଛି । ଏହି ଅବସରରେ ସୋନମ ଇନଷ୍ଟାଗ୍ରାମରେ କେକ୍ ଓ ଆଉ କିଛି ଫଟୋ ଶେୟାର କରିଛନ୍ତି । କେକ୍ରେ ଲେଖାଯାଇଛି ୱାନ ମନ୍ଥ ଲଭ ।
