ଲଙ୍ଗଳେଶ୍ୱର/ବସ୍ତା, ୯।୧(ଡି.ଏନ.ଏ.): ଭତ୍ତା ଟଙ୍କା ନ ଦେବାରୁ ୭୫ ବର୍ଷୀୟା ବୃଦ୍ଧା ମା’ଙ୍କୁ କଟୁରୀରେ ହାଣି ହତ୍ୟା କରିଛନ୍ତି ବଡ ପୁଅ। ଏଭଳି ଚାଞ୍ଚଲ୍ୟକର ଘଟଣା ଘଟିଛି ବାଲେଶ୍ୱର ଜିଲା ସିଂଲା ଥାନା ଅଧୀନ ସାର୍ଥା ଗ୍ରାମରେ। ମୃତ ବୃଦ୍ଧା ହେଉଛନ୍ତି ଅଯୋଧ୍ୟା ମଣ୍ଡଳଙ୍କ ସ୍ତ୍ରୀ ସାବିତ୍ରୀ।
ସାବିତ୍ରୀଙ୍କ ୩ ପୁଅ ରହିଥିଲେ ମଧ୍ୟ ସମସ୍ତେ ଅଲଗା ରହୁଛନ୍ତି। ସ୍ବାମୀଙ୍କ ମୃତ୍ୟୁ ପରେ ସାବିତ୍ରୀ ଭିକ୍ଷାବୃତ୍ତି କରି ଚଳନ୍ତି। ମା’ଙ୍କ ଭିକ୍ଷାବୃତ୍ତିରୁ ପାଉଥିବା ପଇସା ଏବଂ ଭତ୍ତା ଟଙ୍କା ଉପରେ ସବୁବେଳେ ବଡ଼ ପୁଅ ଅଜୟଙ୍କ ନଜର ରହିଥାଏ। ଏହି ଟଙ୍କା ନେବା ପାଇଁ ସେ ସବୁବେଳେ ମଦ୍ୟପାନ କରି ମା’ଙ୍କୁ ମାର୍ପିଟ କରୁଥିଲେ। ରବିବାର ସନ୍ଧ୍ୟାରେ ଅଜୟ ମା’ଙ୍କ ଘରକୁ ଆସି ଭତ୍ତା ଟଙ୍କା ମାଗିଥିଲେ। ମାତ୍ର ସାବିତ୍ରୀ ଭତ୍ତା ଟଙ୍କା ଦେବାକୁ ମନା କରିବାରୁ ସେ ତାଙ୍କୁ କଟୁରୀରେ ଆକ୍ରମଣ କରିଥିଲେ। ବୃଦ୍ଧାଙ୍କ ଚିକତ୍ାର ଶୁଣି ସାନ ପୁଅ ସଞ୍ଜୟଙ୍କ ସ୍ତ୍ରୀ ସଞ୍ଜୁରାଣୀ ପହଞ୍ଚତ୍ ଅଜୟଙ୍କୁ ଅଟକାଇବାକୁ ଚେଷ୍ଟା କରିବାରୁ ତାଙ୍କୁ ମଧ୍ୟ ଆକ୍ରମଣ କରି ଘଟଣାସ୍ଥଳରୁ ଚମ୍ପଟ ମାରିଥିଲେ। ଘଟଣାସ୍ଥଳରେ ସାବିତ୍ରୀଙ୍କର ମୃତ୍ୟୁ ହୋଇଯାଇଥିଲା। ସିଂଲା ଥାନା ପୋଲିସ ଘଟଣାସ୍ଥଳରେ ପହଞ୍ଚତ୍ ସ୍ଥିତି ଅନୁଧ୍ୟାନ କରିଛି। ଏନେଇ ସାନବୋହୂ ସଞ୍ଜୁରାଣୀ ସାର୍ଥା ଫାଣ୍ଡିରେ ଲିଖିତ ଅଭିଯୋଗ କରିଛନ୍ତି । ସିଂଲା ଥାନାରେ ଏକ ମାମଲା (ନଂ.୨/୨୩) ରୁଜୁ ହୋଇଛି। ବସ୍ତା ଏସ୍ଡିପିଓ ଜଳନ୍ଧର ଜାଲି, ବାଲିଆପାଳ ଥାନାଧିକାରୀ ସୁବ୍ରତ କୁମାର ବେହେରା ଏବଂ ସାଇଣ୍ଟିଫିକ୍ ଟିମ୍ ପହଞ୍ଚତ୍ ତଦନ୍ତ କରୁଛନ୍ତି।
