ନିଶ୍ଚିନ୍ତକୋଇଲି, ୧୮ା୩ (ସ୍ବ.ପ୍ର.):ଆମ ଗାଁ ସ୍କୁଲରେ ପଢ଼ିବାକୁ ମୋର ଇଚ୍ଛା। କିନ୍ତୁ ଗାଁ ସ୍କୁଲରେ ଆବଶ୍ୟକ ଅଭିଜ୍ଞ ଶିକ୍ଷକ ନ ଥିବା ଓ ଶିକ୍ଷା ବ୍ୟବସ୍ଥା ଠିକ୍ ନ ଥିବାରୁ ମାଆବାପା ମୋତେ ଏକ ପବ୍ଲିକ୍ ସ୍କୁଲରେ ପାଠ ପଢ଼ାଇବାକୁ ବାଧ୍ୟ ହେଲେ। ରାଜ୍ୟ, କେନ୍ଦ୍ର ସରକାର ଓ ରାଜନୈତିକ ଦଳଗୁଡିକ ବିଜ୍ଞାପନ ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି। ସେହି ଖର୍ଚ୍ଚ ଯଦି ଶିକ୍ଷା ବ୍ୟବସ୍ଥା ସୁଧାରିବା ପାଇଁ ଲଗାନ୍ତେ ତେବେ ସରକାରୀ ସ୍କୁଲର ଶିକ୍ଷାଦାନ ଉଚ୍ଚକୋଟୀର ହୁଅନ୍ତା। ପିଲାମାନେ ଏବଂ ଅଭିଭାବକ ଆଉ ଘରୋଇ ସ୍କୁଲ ପ୍ରତି ମନ ବଳାନ୍ତେନି। ଏ ହେଉଛି ଜଣେ କୁନି ଝିଅ ନିକଟରେ ରାଷ୍ଟ୍ରପତି, ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କୁ ଲେଖିଥିବା ଚିଠିର ଏକ ଅଂଶ ବିଶେଷ। ଏହି ଚିଠି ଲେଖିଥିଲେ କଟକ ଜିଲା ନିଶ୍ଚିନ୍ତକୋଇଲି ବ୍ଲକ ବାଲିଆପଦା ପଞ୍ଚାୟତ ପଞ୍ଚସରଙ୍ଗ ବଳରାମପୁର ଗଁାର ଆଶିଷ କୁମାର ବସନ୍ତରାୟଙ୍କ ଝିଅ ସୋମ୍ୟାଶ୍ରୀ। ସେ ଘର ପାଖ ଏକ ପବ୍ଲିକ୍ ସ୍କୁଲରେ ଷ୍ଟାଣ୍ଡାର୍ଡ ୪ରେ ପଢୁଛନ୍ତି। ସେ ସରକାରୀ ସ୍କୁଲରେ ପାଠ ପଢିବାକୁ ଇଚ୍ଛା କରିଥିଲେ ହେଁ ସ୍ଥାନୀୟ ବିଦ୍ୟାଳୟରେ ଶିକ୍ଷା ବ୍ୟବସ୍ଥା ଠିକ୍ ନ ଥିବାରୁ ତାଙ୍କ ମାଆବାପା ପବ୍ଲିକ୍ ସ୍କୁଲରେ ପାଠ ପଢିବାକୁ ବାଧ୍ୟ କରିଥିଲେ। ଏହି ଚିଠିଟି ରାଷ୍ଟ୍ରପତିଙ୍କ ପାଖରେ ପହଞ୍ଚତ୍ବା ପରେ ରାଷ୍ଟ୍ରପତି ଭବନରୁ ସୋମ୍ୟାଶ୍ରୀଙ୍କ ପାଖକୁ ଏକ ପାଲଟା ଚିଠି ଆସିଛି। ଏଥିରେ ଓଡ଼ିଶାର ମୁଖ୍ୟ ଶାସନ ସଚିବଙ୍କୁ ଅବଗତ କରାଯାଇଥିବା ମଧ୍ୟ ଜଣାଯାଇଛି। ରାଷ୍ଟ୍ରପତି ଭବନର ପତ୍ର ନଂ. ୧୮/୦୨/ପି-୨ଆଇ/୨୦୨୧/୧୯ା୨ା୨୦୨୧ରେ ଆସିଥିବା ବେଳେ ସୋମ୍ୟାଶ୍ରୀଙ୍କ ପାଖରେ ଶୁକ୍ରବାର ପହଞ୍ଚତ୍ଛି। ସୋମ୍ୟାଶ୍ରୀ ଏହି ଚିଠି ପାଇ ବେଶ୍ ଆନନ୍ଦିତ। ଆଗାମୀ ଦିନରେ ରାଷ୍ଟ୍ରପତି, ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀ ତାଙ୍କ ଗୁହାରିକୁ ଗ୍ରହଣ କରି କାର୍ଯ୍ୟକାରୀ କରାଇବେ ବୋଲି ସେ ଦୃଢ ଆଶାବାଦୀ।
ସୂଚନାଯୋଗ୍ୟ, ସୋମ୍ୟାଶ୍ରୀ ସମଗ୍ର ବ୍ଲକର ତଥ୍ୟ ଅବଗତ ନ ଥାଇ ଘର ପାଖରେ ଥିବା ରଙ୍ଗମୁଣ୍ଡାଇ ପ୍ରାଥମିକ ବିଦ୍ୟାଳୟରେ ୫ ଶ୍ରେଣୀ ପାଇଁ ୩ ଶିକ୍ଷକ ଥିବା ଜାଣି ଏଭଳି ଚିଠି ଲେଖିଥିବା ଜଣାଯାଇଛି। ସରକାର ବ୍ଲକର ଶିକ୍ଷା ବ୍ୟବସ୍ଥା ଉପରେ ତୁରନ୍ତ ଦୃଷ୍ଟି ଦେବାକୁ ଶିକ୍ଷାବିତ୍ଙ୍କ ମହଲରେ ଦାବି ହୋଇଛି। ଏ ସମ୍ପର୍କରେ ଅତିରିକ୍ତ ମଣ୍ଡଳ ଶିକ୍ଷାଧିକାରୀ ଲକ୍ଷ୍ମଣ କୁମାର ଲେଙ୍କାଙ୍କୁ ପଚାରିବାରେ ଶିକ୍ଷକ ପଦବୀ ଖାଲି ନେଇ ସରକାର ଅବଗତ ଅଛନ୍ତି। କରୋନା ପାଇଁ ସ୍କୁଲ ବନ୍ଦ ଥିଲେ ମଧ୍ୟ ଅନ୍ଲାଇନ୍ରେ ଶିକ୍ଷାଦାନ ଚାଲିଥିବା ସେ କହିଛନ୍ତି।
