ଭୋଜନ କରିବା ଜୀବନର ଏକ ମହତ୍ତ୍ୱପୂର୍ଣ୍ଣ କାର୍ଯ୍ୟ। ଏହାଦ୍ୱାରା ଶରୀରକୁ ଶକ୍ତି ମିଳେ। କିନ୍ତୁ ବେଳେବେଳେ ଭୋଜନ କରିବା ସମୟରେ ଆମେ ଜାଣତରେ ହେଉ ଅବା ଅଜାଣତରେ ଏଭଳି କିଛି କାର୍ଯ୍ୟ କରିଥାଉ; ଯଦ୍ଦ୍ବାରା ଅନ୍ନର ଅପମାନ ହୋଇଥାଏ। ଆସନ୍ତୁ ଜାଣିବା ଭୋଜନ ସହ ଜଡ଼ିତ ସେମିତି କିଛି ନିୟମ ସମ୍ପର୍କରେ…
ଭୋଜନ କରିବାକୁ ଗୋଟେ ଥର ବସିଲେ ପେଟପୂରା ଖାଦ୍ୟ ଖାଇସାରିକି ହିଁ ଉଠିବା ଦରକାର। ଖାଇବା ସମୟରେ ବାରମ୍ବାର ଉଠିକି ଯିବାଦ୍ୱାରା ଖାଦ୍ୟର ଅପମାନ ହୋଇଥାଏ।
ଛାଡ଼ିଥିବା ଖାଦ୍ୟକୁ ଦ୍ୱିତୀୟ ଥର ଖାଇବା ଠିକ୍ ନୁହେଁ କିମ୍ବା ଅଧିକ ଭୋଜନ କରିବା ମଧ୍ୟ ଶରୀର ପକ୍ଷେ ହିତକର ନୁହେଁ।
ଅଇଁଠା ଖାଦ୍ୟ କାହାରିକୁ ପରଷିବା କିମ୍ବା ଅନ୍ୟର ଅଇଁଠା ଖାଦ୍ୟକୁ ନିଜେ ଖାଇବା ବି ଉଚିତ ନୁହେଁ।
ସେହିପରି ଅଇଁଠା ମୁହଁରେ କୁଆଡ଼େ ଯିବା ଆଦୌ ଶୁଭଦାୟକ ନୁହେଁ। ଯଦି ଅତି ଜରୁରୀ ପଡୁଛି, ତା’ହେଲେ ଖାଉଥିବା ସମୟରେ କିଛି ପାଣି ପିଇକି ଆପଣ ଉଠିକି ଯାଇପାରିବେ।
ଭୋଜନ ସର୍ବଦା ଆନନ୍ଦ ମନରେ କରିବା ଦରକାର। ଯଦି ଏହାର ପ୍ରସ୍ତୁତିରେ କିଛି ତ୍ରୁଟି ରହିଯାଇଛି ତା’ହେଲେ ବି ତା’ର ଅପମାନ କରିବା ଠିକ୍ ନୁହେଁ।
ଭୋଜନ କରିବା ସମୟରେ ଖାଦ୍ୟକୁ ତଳେ ପକାଇବା କିମ୍ବା ଅଯଥାରେ ଖାଦ୍ୟ ନଷ୍ଟ କରିବା ମଧ୍ୟ ଆଦୌ ଶୁଭ ଲକ୍ଷଣ ନୁହେଁ।
ଯଦି ଏହି ସବୁ ନିୟମରେ ଖିଲାପ କରାଯାଏ, ତା’ହେଲେ ମା’ ଲକ୍ଷ୍ମୀ ରୋଷ କରିଥାନ୍ତି ଆଉ ଘରେ ଅଶାନ୍ତି ସୃଷ୍ଟି ହୋଇଥାଏ ବୋଲି ବିଶ୍ୱାସ ରହିଛି।
