ଅନ୍ଲାଇନ୍ ଟଙ୍କା କାରବାର ସମୟରେ ସବୁବେଳେ ସାବଧାନ ରହିବା ଉଚିତ୍। ନଚେତ୍ କେତେବେଳେ ଆକାଉଣ୍ଟ ଖାଲି ହୋଇଯିବ ତାହା କହିହେବ ନାହିଁ। ଅଷ୍ଟ୍ରେଲିଆର ଜଣେ ବ୍ୟକ୍ତିଙ୍କର ସାମାନ୍ୟ ଭୁଲ ଆଉ ଗୋଟିଏ କ୍ଲିକ୍ ଯୋଗୁ ଆକାଉଣ୍ଟରୁ ୫୨ ଲକ୍ଷ ଟଙ୍କା କଟିଗଲା।
ଏକ ରିପୋର୍ଟ ଅନୁଯାୟୀ, କ୍ୱିସ୍ଲ୍ୟାଣ୍ଡର ୮୮ ବର୍ଷୀୟ ମିଷ୍ଟର ଲେଟନଙ୍କ ଭୁଲ ଯୋଗୁ ୭୧୦୦୦ ଡଲାର ଅର୍ଥାତ୍ ୫୨ ଲକ୍ଷ ୫୧ ହଜାର ଟଙ୍କା କମ୍ପାନୀଙ୍କୁ ପଠାଇବା ବଦଳରେ ଅନ୍ୟ ଜଣଙ୍କ ଆକାଉଣ୍ଟଙ୍କୁ ପଠାଇ ଦେଇଛନ୍ତି। କିନ୍ତୁ ସେ ବ୍ୟାଙ୍କକୁ ଏ ବିଷୟରେ ଜଣାଇବା ବେଳକୁ ଅନେକ ବିଳମ୍ବ ହୋଇଯାଇଥିଲା।
ବ୍ୟକ୍ତି ଜଣକ ଆଇଏନ୍ଜି ବ୍ୟାଙ୍କ ଆକାଉଣ୍ଟରୁ ଏଏନ୍ଜେଡ୍ ଆକାଉଣ୍ଟକୁ ଟଙ୍କା ପଠାଥିଲେ। ତାଙ୍କୁ ଜଣା ନ ଥିଲା ସେ ଏଏନ୍ଜେଡ୍ ଆକାଉଣ୍ଟକୁ ଭୁଲ୍ ନାଁରେ ସେଭ୍ କରିଛନ୍ତି। ଭୁଲରେ ଟଙ୍କା ଅନ୍ୟ ଜଣଙ୍କୁ ଟ୍ରାନ୍ସଫର କରିଦେଲେ। ଯାହାକୁ ଟଙ୍କା ପଠାଇଥିଲେ ସେ ଫେରାଇବା ପାଇଁ ମନା କରିଦେଇଛନ୍ତି।
ପରେ ଉଭୟ ବ୍ୟାଙ୍କ ଏବଂ ବ୍ୟକ୍ତି ଜଣକ ପୋଲିସ ନିକଟରେ ଅଭଯୋଗ କରିଛନ୍ତି। ଏପରି ପରିସ୍ଥିତିରେ ଯାହାର ଆକାଉଣ୍ଟକୁ ଟଙ୍କା ଯାଇଛି ତାଙ୍କ ଉପରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ କହିଛି।
