ଭଞ୍ଜନଗର,୧୭ା୬(ବାବୁଲା ପ୍ରଧାନ): ବର୍ଷା ପାଇଁ ସାପ ଗାତ ଭିତରୁ ବାହାରି ଘର ଭିତରକୁ ବେଳେବେଳେ ଚାଲି ଆସୁଛନ୍ତି। ବୁଧବାର ଗଞ୍ଜାମ ଜିଲାର ଭଞ୍ଜନଗର ଆଞ୍ଚଳିକ ପରିବହନ କାର୍ଯ୍ୟାଳୟରେ ଥିବା ଏକ ସ୍କୁଟି ି ଭିତରେ ନାଗ ସାପ ପଶିଯାଇଥିଲା। ଏହାପରେ ବନ ବିଭାଗ କର୍ମଚାରୀ ଭିକାରୀ ବିଷୋୟୀ, ରଞ୍ଜନ ବିଷୋୟୀ ଘଟଣାସ୍ଥଳରେ ପହଞ୍ଚି ସାପକୁ ସୁରକ୍ଷିତ ଭାବେ ବାହାର କରି ଜଙ୍ଗଲରେ ନେଇ ଛାଡ଼ି ଦେଇଥିଲେ। ଏଥିସହ ଯୋଗୀମାରି ନିକଟସ୍ଥ ବଡ଼ନଦୀରେ ମାଛ ଜାଲରେ ଏକ ବିରାଟ ବୋଡ଼ା ସାପ ଲାଗିଯାଇଥିଲା। ତାହାକୁ ମଧ୍ୟ ଉକ୍ତ ଦୁଇ କର୍ମଚାରୀ ବାହାର କରି ଜଙ୍ଗଲରେ ନେଇ ଛାଡ଼ିଥିଲେ।