ନୂଆଦିଲ୍ଲୀ,୮।୧୨: କ୍ରିକେଟର ସ୍ମୃତି ମନ୍ଧାନା ଏବଂ ଗାୟକ ପଲାଶ ମୁଛଲଙ୍କ ବିବାହ ଭାଙ୍ଗିଯାଇଛି। ଉଭୟ ଆନୁଷ୍ଠାନିକ ଭାବରେ ସେମାନଙ୍କ ବିବାହ ଶେଷ ହେବାର ଘୋଷଣା କରିଛନ୍ତି। ସେମାନେ ଏକ ବିବୃତ୍ତି ଜାରି କରି କହିଛନ୍ତି, ସେମାନଙ୍କର ବିବାହ ଭାଙ୍ଗିଯାଇଛି। ସେମାନେ ଜୀବନରେ ଆଗକୁ ବଢ଼ିବାକୁ ଇଚ୍ଛା ମଧ୍ୟ ପ୍ରକାଶ କରିଛନ୍ତି। କିନ୍ତୁ ଉଭୟ ବିଚ୍ଛେଦର କାରଣ ପ୍ରକାଶ କରିନାହାଁନ୍ତି। ସେମାନେ ଏବେ ବି ଏହି ମାମଲାକୁ ଗୋପନ ରଖିବାକୁ ଚାହାଁନ୍ତି। ଏହି ସମୟରେ ଉଭୟେ ସେମାନଙ୍କର ଇନଷ୍ଟାଗ୍ରାମ ଆକାଉଣ୍ଟରେ ଅନେକ ପରିବର୍ତ୍ତନ କରିଛନ୍ତି।
ଗୋଟିଏ ଜିନିଷ ଯାହା ସମସ୍ତଙ୍କ ଦୃଷ୍ଟି ଆକର୍ଷଣ କରୁଛି ତାହା ହେଉଛି ସ୍ମୃତି ଏବଂ ପଲାଶଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲ। ଉଭୟେ ସେମାନଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଅନେକ ପରିବର୍ତ୍ତନ କରିଛନ୍ତି। ବିବାହ ସ୍ଥଗିତ ହେବା ପରେ, ଦୁହେଁ ସେମାନଙ୍କ ଇନ୍ଷ୍ଟା ପ୍ରୋଫାଇଲ୍ରେ ‘ନଜର’ ଇମୋଜି ଯୋଡିଥିଲେ, କିନ୍ତୁ ଏବେ ସ୍ମୃତି ଏହାକୁ ହଟାଇ ଦେଇଛନ୍ତି। ଏହା ସହିତ, ସ୍ମୃତି ପଲାଶଙ୍କ ସହ ଜଡିତ ସମସ୍ତ ପୋଷ୍ଟ ମଧ୍ୟ ଡିଲିଟ କରିଦେଇଛନ୍ତି। ଏନଗେଜମେଣ୍ଟ ପୋଷ୍ଟ ଏବଂ ଅନ୍ୟାନ୍ୟ ଅନେକ ପୁରୁଣା ସ୍ମୃତି ମଧ୍ୟ ଇନଷ୍ଟାଗ୍ରାମରୁ ହଟାଇ ଦିଆଯାଇଛି। ସ୍ମୃତି ପୂର୍ବରୁ ଏନଗେଜମେଣ୍ଟ ଘୋଷଣା ଭିଡିଓ ଡିଲିଟ କରିସାରିଛନ୍ତି।
ଏହି ପରିପ୍ରେକ୍ଷୀରେ, ପଲାଶ ମୁଛଲ ପଛରେ ନାହାନ୍ତି। ଗାୟକ-ସଂଗୀତକାର ଇନଷ୍ଟାଗ୍ରାମରୁ ଅନେକ ପୋଷ୍ଟ ମଧ୍ୟ ଡିଲିଟ କରିଦେଇଛନ୍ତି। ପଲାଶ କେବଳ ଷ୍ଟାଡିୟମରେ ସ୍ମୃତିଙ୍କୁ ପ୍ରପୋଜ କରିବାର ପୋଷ୍ଟ ଡିଲିଟ କରିନାହାନ୍ତି, ବରଂ ସେ ସ୍ମୃତିଙ୍କ ବିଶ୍ୱକପ ଟ୍ରଫି ସହିତ ପୋଷ୍ଟ କରିଥିବା ଏକ ସ୍ବତନ୍ତ୍ର ପୋଷ୍ଟକୁ ମଧ୍ୟ ଡିଲିଟ କରିଦେଇଛନ୍ତି। ଏହି ପୋଷ୍ଟରେ ସ୍ମୃତିଙ୍କ ପାଇଁ ଉତ୍ସର୍ଗୀକୃତ ପଲାଶଙ୍କ ସ୍ବତନ୍ତ୍ର ଟାଟୁ ମଧ୍ୟ ଥିଲା। କିନ୍ତୁ ସ୍ମୃତିଙ୍କ ସହିତ ଅନେକ ଫଟୋ ପଲାଶଙ୍କ ଇନଷ୍ଟାଗ୍ରାମ ପ୍ରୋଫାଇଲରେ ଏବେ ବି ଦୃଶ୍ୟମାନ ହେଉଛି, କିନ୍ତୁ ସ୍ମୃତି ଇନଷ୍ଟାଗ୍ରାମରୁ ପଲାଶଙ୍କ ନାମକୁ ସମ୍ପୂର୍ଣ୍ଣ ଭାବରେ ଲିଭାଇ ଦେଇଛନ୍ତି।
Dharitri – Odisha’s No.1 Odia Daily
