ନୂଆଦିଲ୍ଲୀ,୩।୧୦: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ସ୍କୋଡା ଅଟୋ ଇଣ୍ଡିଆ ଚଳିତ ବର୍ଷ ସେପ୍ଟେମ୍ବରରେ ୩,୫୪୩ ୟୁନିଟ୍ ଯାନ ବିକ୍ରି କରିଛି। ଫଳରେ ଗତ ବର୍ଷ ସେପ୍ଟେମ୍ବର ତୁଳନାରେ କମ୍ପାନୀର ବିକ୍ରି ଅଭିବୃଦ୍ଧି ୧୭%ରୁ ଅଧିକ ରହିଛି। ଏପରିକି ୨୦୨୧ ସେପ୍ଟେମ୍ବରରେ କମ୍ପାନୀ ୩,୦୨୭ ୟୁନିଟ୍ କାର ବିକ୍ରି କରିଥିଲା। ବିଶେଷକରି ଉଚ୍ଚସ୍ତରର ସ୍ଥାନୀୟକରଣ ଏବଂ ନିର୍ମାଣ ସହ ଚେକ୍ ଆଧାରିତ କମ୍ପାନୀ ବର୍ଷକୁବର୍ଷ ବିକ୍ରି ଅଭିବୃଦ୍ଧି ରେକର୍ଡ କରିଛି।
ଏ ସମ୍ପର୍କରେ ସ୍କୋଡା ଅଟୋ ଇଣ୍ଡିଆର ବ୍ରାଣ୍ଡ୍ ନିର୍ଦ୍ଦେଶକ ପେଟ୍ର ସୋଲ କହିଛନ୍ତି, ଭାରତ ବଜାରରେ ସ୍କୋଡାର ଚାହିଦା ମଧ୍ୟ ବୃଦ୍ଧି ପାଇଛି। ଏହା ଏକ ଉତ୍କୃଷ୍ଟ ଫଳାଫଳ ଏବଂ ଆମର ଦଳ ଓ ଡିଲର ସହଭାଗୀମାନଙ୍କର ସମସ୍ତ କଠିନ ପରିଶ୍ରମର ଏକ ବଡ଼ ସ୍ବୀକୃତି ବୋଲି ସେ ମତବ୍ୟକ୍ତ କରିଛନ୍ତି। ବିଶେଷକରି କୁଶାକ ଏବଂ ସ୍ଲାଭିଆ ଭଳି ମଡେଲ ଭାରତ ବଜାରରେ ସଫଳତାର ସହ ପ୍ରତିଷ୍ଠିତ ହୋଇଛି।
ଏପରିକି କମ୍ପାନୀର ସମସ୍ତ ଗାଡିର ବିକ୍ରୟ ବୃଦ୍ଧି ପରିଚାଳିତ ରହିଛି, ଏହା ସହିତ ଅକ୍ଟୋଭିଆ ଏବଂ ସୁପର୍ବ ପରି ଡି-ସେଗ୍ମେଣ୍ଟ ଉପତ୍ାଦଗୁଡିକ ମଧ୍ୟ ନିଜ ନିଜ ବର୍ଗରେ ଅଗ୍ରଣୀ ରହିଛନ୍ତି। ଆମର ଧ୍ୟାନ ବର୍ତ୍ତମାନ ଗ୍ରାହକଙ୍କ ସନ୍ତୁଷ୍ଟିକୁ ବଢାଇବା ଏବଂ ସମଗ୍ର ଭାରତରେ ସ୍କୋଡା ଗ୍ରାହକଙ୍କ ସ୍ପର୍ଶ ବିନ୍ଦୁ (ଟଚ୍ ପଏଣ୍ଟ) ବୃଦ୍ଧି ଉପରେ ରହିଛି। ସେହିପରି ୨୦୨୧ ଡିସେମ୍ବରରେ କମ୍ପାନୀର ୧୭୫ ସ୍ପର୍ଶ ବିନ୍ଦୁ ରହିଥିଲା ବେଳେ ୨୦୨୨ ଶେଷ ସୁଦ୍ଧା ତାହା ୨୫୦ରେ ପହଞ୍ଚତ୍ବା ଲକ୍ଷ୍ୟରେ ରହିଛି। ଏପରିକି ନିଜର ପହଞ୍ଚ ୨୦୫ରୁ ଅଧିକ ସ୍ପର୍ଶ ବିନ୍ଦୁକୁ ବିସ୍ତାର କରିଛି।
