ନୂଆଦିଲ୍ଲୀ, ୧୩।୧୧: ଟି-୨୦ ଅନ୍ତର୍ଜାତୀୟ କ୍ରିକେଟରେ ଅଧିନାୟକ ଭାବେ ଶ୍ରେୟସ ଆୟରଙ୍କ ଡେବ୍ୟୁ ଖରାପ ରହିଥିଲା। କିନ୍ତୁ ଦିନିକିଆରେ ତାଙ୍କ ଡେବ୍ୟୁ ଏହାଠାରୁ ମଧ୍ୟ ଅଧିକ ନିରାଶାଜନକ ରହିଲା। ଆପଣଙ୍କର ମନେଥିବ, ଟି-୨୦ ଅନ୍ତର୍ଜାତୀୟ ମ୍ୟାଚରେ ଶ୍ରେୟସଙ୍କ ଅଧିନାୟକତ୍ୱରେ ଭାରତୀୟ ଦଳ ଆୟରଲ୍ୟାଣ୍ଡ ଭଳି ଦୁର୍ବଳ ମନେ କରାଯାଉଥିବା ଦଳଠାରୁ ପରାସ୍ତ ହୋଇଥିଲା। ଶୁଭମନ ଗିଲଙ୍କ ଅନୁପସ୍ଥିତିରେ ଶ୍ରେୟସଙ୍କୁ ପ୍ରଥମ ଥର ପାଇଁ ଦିନିକିଆରେ ଭାରତର ଅଧିନାୟକତ୍ୱ କରିବାର ସୁଯୋଗ ମିଳିଥିଲା। ହେଲେ ସେ ନିଜ ରନ୍ ଖାତା ମଧ୍ୟ ଖୋଲିପାରିଲେ ନାହିଁ। ଦିନିକିଆରେ ଅଧିନାୟକ ଭାବେ ଡେବ୍ୟୁ କରି ଶୂନରେ ଆଉଟ ହୋଇଥିବା ସେ ଭାରତର ପ୍ରଥମ ଅଧିନାୟକ ହୋଇଛନ୍ତି। ଏହା ପୂର୍ବରୁ ଏଭଳି ଘଟଣା କେବେ ଘଟିନଥିଲା। ସମସ୍ତ ଅଧିନାୟକ ଅତି କମରେ ନିଜ ରନ ଖାତା ଖୋଲିବାରେ ସଫଳ ହୋଇଥିଲେ।
ଭାରତ-ନ୍ୟୁଜିଲାଣ୍ଡ ଚତୁର୍ଥ ଟେଷ୍ଟ ମ୍ୟାଚ ଭାରତୀୟ ଦଳକୁ ଏଭଳି ଏକ ଆଘାତ ଦେଇଗଲା, ଯାହାକୁ ଆଗାମୀ ଅନେକ ବର୍ଷ ପର୍ଯ୍ୟନ୍ତ ଭୁଲିବା ସହଜ ହେବ ନାହିଁ। ବାରମ୍ବାର ଏହି ମ୍ୟାଚର ସ୍ମୃତି ମନକୁ ଆସିବ। ବିଶେଷ କରି ଶ୍ରେୟସ ଆୟରଙ୍କ ପାଇଁ ଏହି ମ୍ୟାଚ ବୋଧହୁଏ ଜୀବନସାରା ମନେ ରହିବ। କାରଣ, ଏହି ମ୍ୟାଚରେ ହିଁ ଦିନିକିଆ ଅଧିନାୟକ ଭାବେ ତାଙ୍କର ଡେବ୍ୟୁ ହୋଇଥିଲା। ପ୍ରଥମ ଥର ପାଇଁ କୌଣସି ଭାରତୀୟ ଅଧିନାୟକ ଦିନିକିଆରେ ଅଧିନାୟକତ୍ୱ ଡେବ୍ୟୁ କରି ଶୂନରେ ଆଉଟ ହୋଇଛନ୍ତି। ବିଶେଷ କଥା ହେଉଛି, ସେ ପ୍ରଥମ ବଲରେ ହିଁ ଆଉଟ ହୋଇଥିଲେ। ଅର୍ଥାତ୍ ଏହାକୁ ଗୋଲ୍ଡେନ ଡକ୍ କୁହାଯିବ।
ଏହା ପୂର୍ବରୁ ଦିନିକିଆରେ ଅଧିନାୟକ ଭାବେ ଡେବ୍ୟୁ କରି କୌଣସି ଭାରତୀୟ ଖେଳାଳିଙ୍କ ସର୍ବନିମ୍ନ ସ୍କୋର ୨ ରନ ଥିଲା। ରୋହିତ ଶର୍ମା ଓ ବିରାଟ କୋହଲି ଯେତେବେଳେ ଅଧିନାୟକ ଭାବେ ନିଜର ପ୍ରଥମ ଦିନିକିଆ ମ୍ୟାଚ ଖେଳିଥିଲେ, ସେତେବେଳେ ଉଭୟ ୨ ରନ ଲେଖାଏ କରି ଆଉଟ ହୋଇଥିଲେ। କିନ୍ତୁ ଏବେ ଶ୍ରେୟସ ଆୟର ସେମାନଙ୍କଠାରୁ ମଧ୍ୟ ଆଗକୁ ଚାଲିଯାଇଛନ୍ତି। ଏପରିକି ଭାରତର କୌଣସି ବୋଲର ଅଧିନାୟକ ମଧ୍ୟ ପ୍ରଥମ ମ୍ୟାଚ୍ରେ ଅଧିନାୟକତ୍ୱ କରିବା ସମୟରେ ଗୋଲ୍ଡେନ ଡକ୍ର ଶିକାର ହୋଇନଥିଲେ। ଶ୍ରେୟସଙ୍କ ସହ ଏଭଳି ଘଟଣା ଘଟିଛି।