ନୂଆଦିଲ୍ଲୀ,୧୩ ।୧: ବରିଷ୍ଠ ସମାଜବାଦୀ ନେତା ଶରଦ ଯାଦବଙ୍କର ଗୁରୁବାର ରାତିରେ ଦିଲ୍ଲୀର ଏକ ଘରୋଇ ହସ୍ପିଟାଲରେ ପରଲୋକ ହୋଇଛି । ୭୫ ବର୍ଷ ବୟସରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ତାଙ୍କ ପରଲୋକ ଖବର ଝିଅ ସୁଭାଷିନି ଟୁଇଟ କରି ଜଣାଇଥିଲେ । ଜେଡିୟୁର ପୂର୍ବତନ ଅଧ୍ୟକ୍ଷ ଶରଦ ଯାଦବଙ୍କ ପରଲୋକ ଖବର ମିଳିବା ପରେ ବିହାରରେ ଶୋକର ଛାୟା ଖେଳି ଯାଇଛି । ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ ଏକ ଭିଡିଓ ବାର୍ତ୍ତା ଜାରି କରିଛନ୍ତି ଯେଉଁଥିରେ ସେ ଭାବୁକ ଦେଖାଯାଉଛନ୍ତି ।
ଆରଜେଡି ସୁପ୍ରିମୋ ଟୁଇଟରେ ଲେଖିଛନ୍ତି, ଏବେ ସିଙ୍ଗାପୁରରେ ରାତିରେ ଶରଦ ଯାଦବ ଭାଇଙ୍କ ମୃତ୍ୟୁ ଖବର ମିଳିଲା । ଖୁବ ଏକେଲା ବୋଧ କରୁଛି । ଆସିବା ପୂର୍ବରୁ ଆମେ ଭେଟ ହୋଇଥିଲୁ ଆଉ କେତେକଣ ଯୋଜନା କରିଥିଲୁ ସମାଜବାଦୀ ଓ ସାମାଜିକ ନ୍ୟାୟର ଧାରାର ସନ୍ଦର୍ଭରେ । ଶରଦ ଭାଇ ଏମିତି ବିଦାୟ ନେବାର ନ ଥିଲା, ଭାବପୂର୍ଣ୍ଣ ଶ୍ରଦ୍ଧାଞ୍ଜଳି । ଲାଲୁ କହିଛନ୍ତି ବଡ ଭାଇ ଶରଦ ଯାଦବଙ୍କ ମୃତ୍ୟୁ ଖବର ମୋତେ ବିଚଳିତ କରିଛି । ମୁଁ ଖୁବ ଦୁଃଖିତ ।
