ମୁମ୍ବାଇ: ବଲିଉଡ ଅଭିନେତା ସଞ୍ଜୟ କପୁରଙ୍କ ଝିଅ ଶନାୟା କପୁର ବଲିଉଡରେ ଡେବ୍ୟୁ କରିବା ପୂର୍ବରୁ ଅଛନ୍ତି ଖୁବ୍ ଚର୍ଚ୍ଚାରେ । ଏବେ ସେ ସୋସିଆଲ ମିଡିଆର କୁଇନ୍ ପାଲଟି ଯାଇଛନ୍ତି । ଇନଷ୍ଟାଗ୍ରାମରେ ଶନାୟାକୁ ୧ ମିଲିୟନରୁ ଅଧିକ ଲୋକେ ଫଲୋ କରୁଛନ୍ତି । ନିକଟରେ ଶନୟା ତାଙ୍କ ପ୍ରଶଂସକଙ୍କ ଉଦ୍ଦେଶ୍ୟରେ ପୁଲ ପାର୍ଟିର ଫଟୋ ଶେୟାର କରିଥିଲେ । ଯାହା ନିମିଷକ ମଧ୍ୟରେ ଭାଇରାଲ ହୋଇଥିଲା । ସାଙ୍ଗମାନଙ୍କ ସହ ଏନଜୟ କରୁଥିବାର କିଛି ଫଟୋ ଶନାୟା ସେସିଆଲ ମିଡିଆରେ ଶେୟାର କରିଛନ୍ତି । ଏଥିରେ ଫ୍ୟାଶନ ଡିଭା ଶନାୟା କପୁରଙ୍କ ଫଟୋରେ ସିଜିଲିଙ୍ଗ ଲୁକ୍ସ ଦେଖିବାକୁ ମିଳିଛି । ଫଟୋରେ ସେ ତାଙ୍କ ଟୋନଡ ଫିଗରରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି ।
ଶନାୟା କପୁର ସୋସିଆଲ ମିଡିଆ ସସପେନ୍ସ ପାଲଟି ଯାଇଛନ୍ତି । ଏହି ଫଟୋ ଗୁଡିକୁ ଲକ୍ଷ ଲକ୍ଷ ଭିୟୁଜ ମିଳିଯାଇଛି । ବିକିନିରେ ସାଥିଙ୍କ ସହ ମସ୍ତି କରୁଥିବାର କିଛି ଫଟୋ ବି ସେ ସୋସିଆଲ ମିଡିଆରେ ଶେୟାର କରିଛନ୍ତି । ଏହି ଲଳନା ଏବେ ବଲିଉଡରେ ଫିଲ୍ମ ‘ବେଧଡକ’ ମାଧ୍ୟମରେ ଏଣ୍ଟ୍ରି ଅପେକ୍ଷାରେ ରହିଛନ୍ତି । ହେଲେ ଡେବ୍ୟୁ ପୂର୍ବରୁ ସେ ଏବେ ରହୁଛନ୍ତି ଖୁବ୍ ଚର୍ଚ୍ଚାରେ । ଆକ୍ଟିଙ୍ଗ କ୍ୟାରିୟର ଆରମ୍ଭ କରିବା ପୂର୍ବରୁ ଶନାୟା ନିଜର ଏକ ଲକଜରୀ କାର କିଣି ଆସିଥିଲେ ଚର୍ଚ୍ଚାକୁ । ଏହାର ଫଟୋ ବି ସେ ସୋସିଆଲ ମିଡିଆରେ ଶେୟାର କରିଥିଲେ । ଯାହା ଭାଇରାଲ ହୋଇଥିଲା । ସେ ଅଡି କ୍ୟୁ୭ କିଣିଛନ୍ତି ଯାହାର ଦାମ ରହିଛି ୮୦ ଲକ୍ଷ ଟଙ୍କା ।
