ମୁମ୍ବାଇ: ଫିଲ୍ମ ଦେଖିବା ସମୟରେ ଜାଣି ହୁଏ ନାହିଁ ଏହା ପଛରେ କେତେ କଷ୍ଟ କରାଯାଇଛି। ମାତ୍ର ଯେଉଁମାନେ ଅଭିନୟ କରିଛନ୍ତି, ସେମାନେ ଜାଣିଥାନ୍ତି ପ୍ରକୃତ କଷ୍ଟ କ’ଣ। ଠିକ୍ ସେମିତି ଶାହାରୁଖ ଖାନ୍ ଏକ ଗୀତ ଶୁଟିଂ ସମୟରେ କେମିତି କଷ୍ଟ କରିଥିଲେ ସେ ବିଷୟରେ ଏକ ସାକ୍ଷାତକାରରେ କହିଥିଲେ। ଅଭିନେତ୍ରୀ ମଲାଇକା ଆରୋରା ଏବଂ ଶାହରୁଖଙ୍କ ସୁପରହିଟ ଗୀତ ‘ଛେୟାଁ ଛେୟାଁ’ ରିଲିଜ ହେବାର ୨୪ବର୍ଷ ବିତିଗଲାଣି କିନ୍ତୁ ଏତେ ବର୍ଷ ପରେ ମଧ୍ୟ ଏହି ଗୀତ ଶୁଣିଲେ ଲାଗେ ଯେମିତି ନିକଟରେ ରିଲିଜ ହୋଇଛି। ଚିର ସବୁଜ ଏବଂ ଶକ୍ତିରେ ପରିପୂର୍ଣ୍ଣ ଏହି ଗୀତ। ଏହି ଡ୍ୟାନ୍ସ ଉଭୟ ଷ୍ଟାର ଚଳନ୍ତା ଟ୍ରେନ୍ରେ କରିଥିଲେ। ତେବେ ଜାଣନ୍ତି କି ଏହି ଗୀତର ଶୁଟିଂ ସମୟରେ ଉଭୟ ଷ୍ଟାର ବନ୍ଧା ହୋଇ ନ ଥିଲେ। ତେଣୁ ଶାହାରୁଖ ଡରି ଯାଇଥିଲେ କାଳେ ମଲାଇକା ପଡ଼ିଯିବେ।
ମଲାଇକା ମଧ୍ୟ ଏହିଦିନର ସ୍ମୃତି ବିଷୟରେ କୁହନ୍ତି, ଶାହାରୁଖ ଜିଦ ଧରିଥିଲେ ଯେ ହର୍ନ ଶୁଣିବା ଦରକାର। କାରଣ ସେ ଡରି ଯାଇଥିଲେ ଯେ ମୁଁ ଟ୍ରେନ୍ରୁ କାଳେ ଉଡ଼ିଯିବି। କିନ୍ତୁ ହର୍ନ ସହିତ ନାଚିବା କଷ୍ଟକର ଥିଲା। ସେ ଯାହା ବି ବହୁତ କଷ୍ଟ ପରେ ଗୀତଟି ସୁପରହିଟ୍ ହୋଇଥିଲା।
