ବାରିପଦା ଅଫିସ,୮ା୩ ମୟୂରଭଞ୍ଜ ଜିଲା ବାରିପଦା ପୌରାଧ୍ୟକ୍ଷ ପଦବୀ ଲାଗି ମୋଟ ୧୭ ପ୍ରାର୍ଥୀ ନାମାଙ୍କନ ଦାଖଲ କରିଛନ୍ତି। ବିଜେଡିି, କଂଗ୍ରେସ, ଭାଜପା, ଜେଏମ୍ଏମ୍ ଓ ସ୍ବାଧୀନ ପ୍ରାର୍ଥୀମାନେ ଅଧ୍ୟକ୍ଷ ପଦ ନିମନ୍ତେ ସମର୍ଥକଙ୍କ ସହ ପ୍ରାର୍ଥତ୍ପତ୍ର ଦାଖଲ କରିଛନ୍ତି। ୱାର୍ଡ କାଉନସିଲର ପାଇଁ ମୋଟ ୧୪୧ଜଣ ନାମାଙ୍କନପତ୍ର ଦାଖଲ କରିଥିବା ନିର୍ବାଚନ ଅଧିକାରୀ ବସନ୍ତ କୁମାର ସେଠୀ କହିିଛନ୍ତି ା
ପୌର ପରିଷଦରେ ଥିବା ୨୮ଟି ୱାର୍ଡର ଭୋଟର ସେମାନଙ୍କ ନେତା ବାଛିବେ। ତେବେ ଭୋଟରମାନେ ଏଥର ବିଭିନ୍ନ ସମସ୍ୟା ଉପସ୍ଥାପନ କରିବାକୁ ସୁଯୋଗ ପାଇଥିବା ବେଳେ ମିଥ୍ୟା ପ୍ରତିଶ୍ରୁତି ଦେଉଥିବା ନେତାଙ୍କୁ ପ୍ରତ୍ୟାଖାନ କରିବେ ବୋଲି କହି ବୁଲୁଛନ୍ତି। ଅଧ୍ୟକ୍ଷ ପଦ ପାଇଁ ପୂର୍ବତନ ନଗରପାଳ ଡ.କୃଷ୍ଣାନନ୍ଦ ମହାନ୍ତି ଓ ଅଭିଜ୍ଞ ରାଜନେତା ଦୀନକୃଷ୍ଣ ମଇଦାନକୁ ଓହ୍ଲାଇଛନ୍ତି। କୃଷ୍ଣାନନ୍ଦ ବିଜେଡିରୁ ଟିକଟ ପାଇଥିବା ବେଳେ ଦୀନକୃଷ୍ଣ ସ୍ବାଧୀନ ଭାବେ ପ୍ରାର୍ଥତ୍ପତ୍ର ଦାଖଲ କରିଛନ୍ତି। ଦୀନକୃଷ୍ଣ ପୌର ପରିଷଦର ନଗରପାଳ ଓ ଉପନଗରପାଳ ଭାବେ ଦୁଇଥର ନିର୍ବାଚିତ ହୋଇଛନ୍ତି। ଦୁର୍ନୀତିମୁକ୍ତ ଓ ନିରପେକ୍ଷ ଭାବେ ଉପଯୁକ୍ତ ଲୋକଙ୍କୁ ସେବା ଯୋଗାଇବା ତାଙ୍କର ପ୍ରଥମ କତ୍ତର୍ର୍ବ୍ୟ ହେବ ବୋଲି ସେ କହିଛନ୍ତି। କୃଷ୍ଣାନନ୍ଦ ଥରେ ଲେଖାଏ ନଗରପାଳ ଓ କାଉନସିଲର ଦାୟିତ୍ୱରେ ରହି ବହୁ ସମସ୍ୟାର ସମାଧାନ କରିବା ସହିତ ସହରର ବିକାଶ ଦିଗରେ ପଦକ୍ଷେପ ଗ୍ରହଣ କରିଛନ୍ତି। ଅନ୍ୟପକ୍ଷରେ ନୂଆ ମୁହଁ ଭାବେ ଭାଜପାର କବି ବିଷ୍ଣୁ ଶତପଥୀ ଓ ଜେଏମ୍ଏମ୍ର ଚନ୍ଦନ ଶେଜପଡ଼ା ପୌରାଧକ୍ଷ ପଦବୀ ଲାଗି ନାମାଙ୍କନପତ୍ର ଦାଖଲ କରିଛନ୍ତି। ଭାଜପା ପ୍ରାର୍ଥୀ ଶତପଥୀ ୪୦ବର୍ଷ ଧରି ଆର୍ଏସ୍ଏସ୍ର କର୍ମକର୍ତ୍ତା ରହିଆସିଥିବା ବେଳେ ୮୦ଦଶକରୁ ବିଭିନ୍ନ ପଦପଦବୀରେ ରହି ଆସିଛନ୍ତି। ସହରର ବିକାଶ ଦିଗରେ ସେ ବ୍ୟାପକ ପଦକ୍ଷେପ ଗ୍ରହଣ କରିବେ ବୋଲି ଦୃଢ଼ୋକ୍ତି ପ୍ରକାଶ କରିଛନ୍ତି। ଜେଏମ୍ଏମ୍ର ଯୁବନେତା ଚନ୍ଦନ ବାରିପଦାବାସୀଙ୍କୁ ଉତ୍ତମ ସ୍ବାସ୍ଥ୍ୟସେବା ଯୋଗାଇଦେବା ସହ ଆନୁଷଙ୍ଗିକ ବ୍ୟବସ୍ଥାରେ ପରିବର୍ତ୍ତନ କରିବାକୁ ଗୁରୁତ୍ୱ ଦିଆଯିବ ବୋଲି କହିଛନ୍ତି। କଂଗ୍ରେସ ପ୍ରାର୍ଥୀ ଯୋଗେଶ ଅଗ୍ରୱାଲ ଦଳୀୟ ଟିକଟ ପାଇ ଦୁର୍ନୀତିମୁକ୍ତ ବାରିପଦା ସହର ଗଠନ କରିବା ସହ ପାନୀୟଜଳ, ଆଲୋକୀକରଣ ଓ ଡ୍ରେନେଜ ବ୍ୟବସ୍ଥାରେ ସୁଧାର ଆଣିବା ଦିଗରେ ପ୍ରୟାସ ଜାରି ରଖିବେ ବୋଲି କହିଛନ୍ତି ା ତେବେ ଏହି ନେତାମାନଙ୍କ ମଧ୍ୟରୁ ସହରବାସୀ କାହାକୁ ପୌରାଧ୍ୟକ୍ଷ ଆସନରେ ବସାଉଛନ୍ତି ତାହା ଦେଖିବାକୁ ବାକି ରହିଲା।
