ଭଞ୍ଜନଗର,୨୧ା୩(ବାବୁଲା ପ୍ରଧାନ): ବିପଦର ବନ୍ଧୁ ଓଡ଼ିଶା ଭଞ୍ଜନଗର ଶାଖା କର୍ମକର୍ତ୍ତାମାନେ ସର୍ବଦା ସେବା ପାଇଁ ଆଗକୁ ଆସନ୍ତି। ସେମାନଙ୍କ ସେବା ଆଗ୍ରହ ଅନେକଙ୍କ ପାଇଁ ବରଦାନ ହେଉଛି। ବିପଦର ବନ୍ଧୁ କର୍ମକର୍ତ୍ତା କେତେବେଳେ ଶବ ସତ୍କାର କରନ୍ତି। ଆଉ କେତେବେଳେ ରକ୍ତଦାନ କରନ୍ତୁ। ଅସହାୟ ଲୋକଙ୍କୁ ଆର୍ଥିକ ସହାୟତାଠାରୁ ଆରମ୍ଭ କରି ଅନ୍ୟାନ୍ୟ ସହାୟତା ଯୋଗାଇ ଦିଅନ୍ତି। ଦୁଇଦିନ ପୂର୍ବେ ବାଉଁଶଲୁଣ୍ଡିର ଜଣେ ମହିଳା ରକ୍ତହୀନତା ରୋଗରେ ପୀଡ଼ିତ ଥାଇ ଭଞ୍ଜନଗର ମେଡିକାଲରେ
ଚିକିତ୍ସିତ ହେଉଥିଲେ। ପରିବାର ଲୋକେ ରକ୍ତ ଯୋଗାଡ ପାଇଁ ଚେଷ୍ଟା କରିଥିଲେ। ରକ୍ତ ଯୋଗାଡ଼ କରି ନ ପାରି ନିରାଶ ରେ ଥିଲେ। ଏହି ସମୟରେ ବରିଷ୍ଠ କର୍ମକର୍ତ୍ତା ଅରକ୍ଷିତ ପରିଚ୍ଛା ଏବଂ ପ୍ରଦୀପ ଜେନାଙ୍କ ସହ ପରିବାର ଲୋକେ ଯୋଗାଯୋଗ କରିଥିଲେ। ଏହାପରେ କୁଲାଡ଼ର ପ୍ରଶାନ୍ତ କୁମାର ସାହୁ ଆସି ରକ୍ତଦାନ କରିଥିଲେ। ଫଳରେ ଜଣେ ମହିଳାଙ୍କୁ ସୁସ୍ଥ ହେବାରେ ସହାୟ ହୋଇଥିଲେ ବିପଦର ବନ୍ଧୁ କର୍ମକର୍ତ୍ତା। ଏଥିସହ ଶନିବାର ଭଞ୍ଜନଗର ମୁଖ୍ୟ ସଡ଼କରେ ଏକ ଗାଈ ବାଛୁରୀ ଗୁରୁତର ଭାବେ ଆହତ ହୋଇ ଛଟପଟ ହେଉଥିଲା। ବିପଦର ବନ୍ଧୁ କର୍ମକର୍ତ୍ତାମାନେ ବାଛୁରୀଟିକୁ ଉଦ୍ଧାର କରି ଚିକିତ୍ସା ବ୍ୟବସ୍ଥା କରାଇଥିଲେ। ପ୍ରତିଟି ମୁହୂର୍ତ୍ତରେ ଲୋକଙ୍କୁ ସାହାଯ୍ୟ ସହଯୋଗ ଯୋଗାଇ ଦେଉଛନ୍ତି ବିପଦର ବନ୍ଧୁ କର୍ମକର୍ତ୍ତା।
