ଭୁବନେଶ୍ୱର,୭ା୯: ପୂର୍ବ ଭାରତର ସର୍ବବୃହତ୍ ଗହଣା ରିଟେଲର ସେନ୍କୋ ଗୋଲ୍ଡ ଲିମିଟେଡ୍ ରେସ୍ପନ୍ସିବଲ୍ ଜୁଏଲେରି କାଉନ୍ସିଲ୍ (ଆର୍ଜେସି)ର ଏକ ସଦସ୍ୟ ଭାବେ ଯୋଗଦେଇ ଦୂରଦୃଷ୍ଟିସମ୍ପନ୍ନ ଦୀର୍ଘସ୍ଥାୟୀ ଯାତ୍ରା ଆଡ଼କୁ ଏକ ପଦକ୍ଷେପ ଗ୍ରହଣ କରିଛି। ଆର୍ଜେସି ୨୦୦୫ରେ ସ୍ଥାପନ କରାଯାଇଥିବା ବେଳେ ଏବେ ବିଶ୍ୱସ୍ତରରେ ୭୧ଟି ଦେଶ ଏହାର ସଦସ୍ୟ ରହିଛନ୍ତି। ଗହଣା ଓ ହାତଘଣ୍ଟା ଶିଳ୍ପ ପାଇଁ ବିଶ୍ୱସ୍ତରୀୟ ମାନକ ନିର୍ଦ୍ଧାରଣ କରିବାରେ ଆର୍ଜେସି କାର୍ଯ୍ୟ କରୁଛି। ଦାୟିତ୍ୱବାନ୍ ଗହଣା ଓ ହାତଘଣ୍ଟା ଶଳ୍ପ ପାଇଁ ଏହାର ଆଚରଣ ବିଧି ହେଉଛି ଏକ ବିଶ୍ୱସ୍ତରୀୟ ମାନକ ଓ ଦାୟିତ୍ୱବାନ୍ ଯୋଗାଣ ଶୃଙ୍ଖଳ ଖଣି ଓ ଧାତବଠାରୁ ଆରମ୍ଭକରି ସୁନା, ରୁପା, ପ୍ଲାଟିନମ, ହୀରା ଓ ରଙ୍ଗିନ ଜେମ୍ଷ୍ଟୋନ୍ ଆଦି ସବୁ କିଛିକୁ ବିଚାରକୁ ନେଉଛି।
ସେନ୍କୋ ଗୋଲ୍ଡ ଲିମିଟେଡ୍ର ପରିଚାଳନା ନିର୍ଦ୍ଦେଶକ ଓ ସିଇଓ ଶୁଭଙ୍କର ସେନ୍ କହିଛନ୍ତି, ଉତ୍ତମ ପରିବେଶ, ସାମାଜିକ ଓ ଗଭର୍ନାନ୍ସ (ଇଏସ୍ଜି) ଅଭ୍ୟାସ, ଦାୟିତ୍ୱବାନ ଅଭିବୃଦ୍ଧି ଓ ଦୀର୍ଘସ୍ଥାୟିତ୍ୱକୁ ସୁନିଶ୍ଚିତ କରିବା ପାଇଁ ସେନ୍କୋ ଗୋଲ୍ଡ ଆଣ୍ଡ୍ ଡାଇମଣ୍ଡ୍ସରେ ଆମେ ପ୍ରତିବଦ୍ଧ ରହିଛୁ। ଆର୍ଜେସିରେ ଯୋଗଦେବା ସେହି ଦିଗରେ ଆଉ ଏକ ପଦକ୍ଷେପ ଓ ଭାରତର ପ୍ରଥମ ବୃହତ୍ ଗହଣା ରିଟେଲର ଭାବେ ରେସ୍ପନ୍ସିବଲ୍ ଜୁଏଲେରି କାଉନ୍ସିଲ୍ରେ ଯୋଗଦେଇଥିବାରୁ ଆମେ ଗର୍ବିତ। ବିଶ୍ୱ ଗହଣା ଶିଳ୍ପରେ ବିଶ୍ୱସନୀୟତା ବୃଦ୍ଧି କରିବା ଦିଗରେ ଏହି ସଂସ୍ଥା କାର୍ଯ୍ୟ କରୁଛି। ଗହଣା ରିଟେଲିଂରେ ବିଶ୍ୱାସ ହେଉଛି ମୂଳଦୁଆ ଏବଂ ଦୀର୍ଘସ୍ଥାୟୀ ରଣନୀତିକୁ ମୂଳରେ ରଖି ଓ ଆମର ଭବିଷ୍ୟତ ଉଦ୍ୟମ ଅନୁସାରେ ଦାୟିତ୍ୱବାନ୍ ଅଭ୍ୟାସର ଏକ ପରିବେଶ ସୃଷ୍ଟି କରିବା ଲାଗି ଆର୍ଜେସି ସହ ସହଯୋଗିତା ଗଠନ କରିବାକୁ ଆମେ ଚାହିଁରହିଛୁ।
ସେହିଭଳି ଆର୍ଜେସିର କାର୍ଯ୍ୟନିର୍ବାହୀ ନିର୍ଦ୍ଦେଶକ ମେଲାନି ଗ୍ରାଣ୍ଟ୍ କହିଛନ୍ତି, ୫ ଦଶନ୍ଧିରୁ ଅଧିକ ସମୟ ଧରି ନିଜ ସୃଷ୍ଟି ଜରିଆରେ ଗ୍ରାହକମାନଙ୍କୁ ଉଲ୍ଲସିତ କରୁଛି ସେନ୍କୋ ଗୋଲ୍ଡ ଆଣ୍ଡ୍ ଡାଇମଣ୍ଡସ୍ ଏବଂ ଜଣେ ସଦସ୍ୟ ଭାବେ ସେମାନଙ୍କୁ ସ୍ବାଗତ କରିବା ସହ ଆଗାମୀ ଦଶନ୍ଧିରେ ସେମାନଙ୍କ ସହ ମିଶି କାର୍ଯ୍ୟ କରିବା ଲାଗି ଆର୍ଜେସିରେ ଆମେ ବେଶ୍ ରୋମାଞ୍ଚିତ। ଆମ ପାଇଁ ଓ ସାରା ଗହଣା ଶିଳ୍ପ ପାଇଁ ଭାରତ ହେଉଛି ଏକ ଗୁରୁତ୍ୱପୂର୍ଣ୍ଣ ବଜାର ଏବଂ ସେଥିପାଇଁ ସେନ୍କୋ ଗୋଲ୍ଡ ଆଣ୍ଡ୍ ଡାଇମଣ୍ଡ୍ସ ଆମ ଆର୍ଜେସି ପରିବାର ଏକ ଅଂଶ ହେବା ଆମ ଇତିହାସର ଏକ ଗୌରବମୟ ମୁହୂର୍ତ୍ତ।
ସେହିପରି ଆର୍ଜେସିର ଏସିଆନ୍ ଡେଭେଲପ୍ମେଣ୍ଟ ମୁଖ୍ୟ କିଞ୍ଜାଲ ଶାହ କହିଛନ୍ତି, ଆର୍ଜେସିରେ ଯୋଗଦେଇଥିବାରୁ ଶୁଭଙ୍କର ସେନ୍, ସେନ୍କୋ ଗୋଲ୍ଡ ଆଣ୍ଡ୍ ଡାଇମଣ୍ଡ୍ସର ଟିମ୍ ଓ ସ୍ବର୍ଗତ ଶଙ୍କର ସେନ୍ଙ୍କୁ ଆମେ ଅଭିନନ୍ଦନ ଜଣାଉଛୁ। ସେନ୍କୋ ଗୋଲ୍ଡ ଲିମିଟେଡ୍ ଇଣ୍ଡିଆ ହେଉଛି ଏକ ଦୂରଦୃଷ୍ଟିସମ୍ପନ୍ନ ରିଟେଲ। ଆର୍ଜେସିରେ ଯୋଗଦେବାରେ ସେମାନେ ହେଉଛନ୍ତି ପୂର୍ବ ଭାରତର ପ୍ରଥମ ଓ ସର୍ବବୃହତ୍ ରିଟେଲର ଯାହା ବୃହତ୍, ମଧ୍ୟମ ଓ କ୍ଷୁଦ୍ର ରିଟେଲରର ନେତୃତ୍ୱ ନେବ। ଏକ ସଦସ୍ୟ ହେବା ଦ୍ୱାରା ଭାରତର ନୂଆ ପିଢ଼ି ଗ୍ରାହକଙ୍କ ମଧ୍ୟରେ ବିଶ୍ୱାସ ସୃଷ୍ଟି ହୋଇପାରିବ।
