ବାଲିଚନ୍ଦ୍ରପୁର,୯।୨(ସ୍ବ.ପ୍ର.): ପ୍ରସିଦ୍ଧ ଓଳାଶୁଣୀ ଗୁମ୍ପାମେଳା ରବିବାରଠାରୁ ଆରମ୍ଭ ହୋଇଛି। ଚଳିତ ବର୍ଷ କୋଭିଡ଼ କଟକଣା ଯୋଗୁ ଭକ୍ତମାନଙ୍କୁ ମେଳାକୁ ଆସିବାକୁ ବାରଣ କରାଯାଇଥିଲା। କେବଳ ମହାପୁରୁଷଙ୍କ ପୂଜାବିଧି ଓ ନୀତିକାନ୍ତି ପାଳନ ହେବ ବୋଲି ନିଷ୍ପତ୍ତି ପ୍ରସ୍ତୁତି ବୈଠକରେ ନିଆଯାଇଥିଲା ା ମାତ୍ର ରବିବାର ମହାପୁରୁଷଙ୍କ ମହାପ୍ରୟାଣ ଦିବସରେ ନୀତିକାନ୍ତି ହେବା ସହ ବହୁ ଭକ୍ତଙ୍କୁ ଦର୍ଶନ ଓ ଭୋଗ କରିବାର ସୁଯୋଗ ମିଳିଥିଲା। ସୋମବାର ଦିନ ୯ଟା ପର୍ଯ୍ୟନ୍ତ ସେହି ଧାରା ବଜାୟ ରହିଥିଲା। ଏହାପରେ ମେଳା ପଡ଼ିଆର ପ୍ରବେଶ ପଥରେ ପ୍ରଶାସନ ପକ୍ଷରୁ ବ୍ୟାରିକେଡ୍ କରାଯାଇ ପୋଲିସ ଜଗି ବସିଥିଲା। ଜଣେ ହେଲେ ଭକ୍ତଙ୍କୁ ପୋଲିସ ଦର୍ଶନ ପାଇଁ ଛାଡି ନ ଥିଲା ା ଏଥିପାଇଁ ମାନସିକ ପୋଡ଼ପିଠା ଧରି ଆସିଥିବା ଶ୍ରଦ୍ଧାଳୁମାନେ ନିରାଶ ହୋଇଥିଲେ ା ସେମାନେ ଆଣିଥିବା ପୋଡ଼ପିଠାକୁ ରାସ୍ତା ଉପରେ ଥୋଇ ମହାପୁରୁଷଙ୍କ ନାମରେ ପାଣି ବୁଲାଇ ଦୁଇ ହାତ ଟେକିଦେଇ ଫେରିଯାଉଥିବା ଦେଖିବାକୁ ମିଳିଥିଲା ା ପ୍ରଥମ ଦିନ ୧୪୪ ଧାରା ସମ୍ପୂର୍ଣ୍ଣ କୋହଳ କରାଯାଇଥିବା ବେଳେ ସୋମବାର ଦ୍ୱିତୀୟ ଦିନ ଏହାକୁ କଡ଼ାକଡ଼ି ଭାବେ ପାଳନ କରାଯାଇଛି। ପ୍ରଶାସନର ଏପରି ନିଷ୍ପତ୍ତିକୁ ସାଧାରଣରେ ନାପସନ୍ଦ କରାଯାଇଛି ା
