ବାରାଣସୀ,୨୯।୧ : ଜ୍ଞାନବାପୀ ମସଜିଦରେ ଏକ ମନ୍ଦିର ରହିଥିବାର ରହସ୍ୟ ତଳ ମହଲାରେ ଲୁଚି ରହିଛି। ଏହି ଦାବି ମାମଲାର ଆବେଦନକାରୀ ପକ୍ଷରୁ କରାଯାଇଛି। ଆଜି ସୁପ୍ରିମକୋର୍ଟଙ୍କ ନିକଟରେ ଅଭିଯୋଗ କରିବେ ପ୍ରତିବାଦୀ ପକ୍ଷ। ମସଜିଦର ସିଲ ହୋଇଥିବା ବେସମେଣ୍ଟ ଖୋଲିବାକୁ ଅନୁରୋଧ କରାଯିବ। ଆବେଦନ ଉପରେ ଶୁଣାଣି ସମୟରେ ସୁପ୍ରିମକୋର୍ଟ ଏଏସଆଇ ରିପୋର୍ଟ ଉପରେ ମଧ୍ୟ ଆଲୋଚନା କରାଯାଇପାରେ।
ଏହି ମାମଲାର ଅଭିଯୋଗକାରୀ ହିନ୍ଦୁ ମହିଳାମାନେ କହିଛନ୍ତି ଏଏସଆଇ ସର୍ଭେରେ ଏହା ମଧ୍ୟ ସ୍ପଷ୍ଟ କରାଯାଇଛି ଜ୍ଞାନବାପୀ ମସଜିଦରେ ୧୦ ଟି ବେସମେଣ୍ଟ ଭିତରେ ଏକ ହିନ୍ଦୁ ମନ୍ଦିରର ଅସ୍ତିତ୍ୱ ଅଛି ଏବଂ ଏସବୁକୁ ସିଲ କରାଯାଇଛି। ଆଧୁନିକ ଜ୍ଞାନକୌଶଳ ବ୍ୟବହାର କରି ତଳ ମହଲା ଖୋଲାଯାଇ ଏହାର ପରୀକ୍ଷା କରାଯିବା ଆବଶ୍ୟକ।
ଏହି ମାମଲାର ଅଭିଯୋଗକାରୀ ପକ୍ଷରୁ ପ୍ରତିନିଧିତ୍ୱ କରୁଥିବା ଓକିଲ ବିଷ୍ଣୁ ଶଙ୍କର ଜେନା ଯୁକ୍ତି ଦର୍ଶାଇଛନ୍ତି ବିବାଦୀୟ ବିଲ୍ଡିଂର ଉତ୍ତର ଏବଂ ଦକ୍ଷିଣ ପାର୍ଶ୍ୱରେ ୫ ଟି ଲେଖାଏଁ ବେସମେଣ୍ଟ ଅଛି, ଯାହାକୁ କୃତ୍ରିମ କାନ୍ଥ ତିଆରି କରି ସିଲ କରାଯାଇଛି। ଏହି ସିଲ ହୋଇଥିବା ବେସମେଣ୍ଟଗୁଡିକରେ ଏକ ହିନ୍ଦୁ ମନ୍ଦିରର ଅସ୍ତିତ୍ୱର ପ୍ରମାଣ ଏବଂ କଳାକୃତି ଅଛି । ସୁପ୍ରିମକୋର୍ଟଙ୍କ ଆବେଦନ ସହିତ ଏକ ମାନଚିତ୍ର ମଧ୍ୟ ଦିଆଯିବ ।
ଜ୍ଞାନବାପୀ କମ୍ପ୍ଲେକ୍ସରେ ସିଲ ହୋଇଥିବା ଉଜୁଖାନା ଉପରେ ଏକ ଏଏସଆଇ ସର୍ଭେ କରାଯାଇଛି, ଯାହାକି ୧୬ ମଇ ୨୦୨୨ ରୁ ସିଲ କରାଯାଇଥିଲା। ଯେତେବେଳେ ହିନ୍ଦୁ ପକ୍ଷ ଦାବି କରିଥିଲେ ଏଠାରେ ଏକ ଶିବଲିଙ୍ଗ ମିଳିଥିଲା। ରାମ ମନ୍ଦିରର ମୁଖ୍ୟ ପୁରୋହିତ ମଧ୍ୟ ଜ୍ଞାନବାପୀ ମସଜିଦକୁ ହିନ୍ଦୁମାନଙ୍କୁ ହସ୍ତାନ୍ତର କରିବାକୁ ଅନୁରୋଧ କରିଛନ୍ତି।
ଜ୍ଞାନବାପୀ ମସଜିଦ ବାରାଣାସୀରେ ଅଛି ଏବଂ ଏହା କାଶୀ ବିଶ୍ୱନାଥ ମନ୍ଦିର ନିକଟରେ ଅଛି। ଅଗଷ୍ଟ ୨୦୨୧ ମସିହାରେ ୫ ଜଣ ହିନ୍ଦୁ ମହିଳା ମସଜିଦରେ ମା ଗୌରୀଙ୍କୁ ପୂଜା କରିବାର ଅଧିକାର ମାଗିଥିଲେ। ଏଥିପାଇଁ ଏକ ସିଭିଲ ମକଦ୍ଦମା ଦାଏର କରାଯାଇଥିଲା। ସେବେଠାରୁ ସୁପ୍ରିମକୋର୍ଟ, ଜିଲା କୋର୍ଟ, ଆହ୍ଲାବାଦ ହାଇକୋର୍ଟ ବିବାଦ ଆରମ୍ଭ ହୋଇଥିଲା
ପ୍ରତ୍ନତାତ୍ତ୍ୱିକ ସର୍ବେକ୍ଷଣ ପକ୍ଷରୁ ଭିଡିଓଗ୍ରାଫିକ ସର୍ଭେ, କାର୍ବନ ଡେଟିଂ, ଶିବଲିଙ୍ଗ ଆବିଷ୍କାର ଇତ୍ୟାଦି ହୋଇଥିଲା। ଏଏସଆଇ ସର୍ବେକ୍ଷଣର ୮୩୯ ପୃଷ୍ଠାର ରିପୋର୍ଟରେ ମଧ୍ୟ କୁହାଯାଇଛି ମସଜିଦ ପୂର୍ବରୁ ଏକ ମନ୍ଦିର ଥିଲା। ବର୍ତ୍ତମାନ, ଏହି ରିପୋର୍ଟ ଆଧାରରେ ପୁଣିଥରେ ମସଜିଦର ତଳ ମହଲା ଉପରେ ସର୍ଭେ କରିବାକୁ ଦାବି କରାଯାଇଛି।
BIG BREAKING 🚨
The Archaeological Survey of India (ASI) has reportedly stated that a substantial Hindu temple might have previously stood at the Gyanvapi mosque site in Varanasi, Uttar Pradesh 📍
“As many as 32 Hindu temple inscriptions were found on pillars in Devanagri,… pic.twitter.com/ZiBDxmz4HZ
— Bhārat Untold (@Bharatuntoldtw) January 25, 2024
#WATCH | Varanasi, Uttar Pradesh | Advocate Vishnu Shankar Jain, representing the Hindu side, gives details on the Gyanvapi case.
He says, "The ASI has said that during the survey, a number of inscriptions were noticed on the existing and preexisting structure. A total of 34… pic.twitter.com/fdBFeIsQAV
— ANI (@ANI) January 25, 2024
