ନୂଆଦିଲ୍ଲୀ, ୪।୧: ପର୍ଯ୍ୟଟକ ଓ ପରିଭ୍ରମଣକାରୀଙ୍କୁ ସୁବିଧା ସହିତ କମ ସମୟରେ ଅଧିକରୁ ଅଧିକ ସ୍ଥାନ ଭ୍ରମଣ କରିବାର ସୁଯୋଗ ସ୍ଥଳପଥ ଠାରୁ ଆକାଶ ପଥରେ ହୋଇପାରିବ। ଏହାକୁ ଆଖି ଆଗରେ ରଖି ଖୁବଶୀଘ୍ର ଦିଲ୍ଲୀର ଯମୁନା ନଦୀରୁ ଅଯୋଧ୍ୟା ପର୍ଯ୍ୟନ୍ତ ଏବଂ ମୁମ୍ବାଇର ଶିରିଡି ଅଞ୍ଚଳକୁ ଆସୁଥିବା ପର୍ଯ୍ୟଟକଙ୍କୁ ସିପ୍ଲେନର ସୁବିଧା ଓ ସେବା ସରକାରଙ୍କ ପକ୍ଷରୁ ଯୋଗାଇ ଦେବାର ଯୋଜନା ରହିଛି। ଏ ନେଇ କେନ୍ଦ୍ର ସରକାରଙ୍କ ଜାହାଜ ଚଳାଚଳ ମନ୍ତ୍ରଣାଳୟ (ସିପିଙ୍ଗ ଏବଂ ଜଳ) ଅଧୀନରେ ଥିବା ସାଗରମାଳା ସିପ୍ଲେନ ସେବା (ଏସଏସପିଏସ) ଏଥିପାଇଁ ଆଗ୍ରହୀ କମ୍ପାନୀମାନଙ୍କୁ ଆମନ୍ତ୍ରଣ କରିଛି। ଖୁବ୍ ଶୀଘ୍ର ଏହି ସେବା ଆରମ୍ଭ ହେବା ନେଇ ଆଶଙ୍କା ପ୍ରକାଶ ପାଇଛି । ଆଗାମୀ ଦିନରେ ଏହି ସି ପ୍ଲେନ ସେବା ଦେଶର ଅନ୍ୟ ସମୁଦ୍ର ମାର୍ଗ ଅଞ୍ଚଳରେ ମଧ୍ୟ ଆରମ୍ଭ ହୋଇପାରେ। ସେଥିପାଇଁ ଜାହାଜ ଚଳାଚଳ ମନ୍ତ୍ରଣାଳୟ (ସିପିଙ୍ଗ ଏବଂ ଜଳ) ସାଗରମାଳା ସିପ୍ଲେନ ସେବା (ଏସଏସପିଏସ) ପାଇଁ ଏକ୍ସପ୍ରେସନ୍ ଅଫ୍ ଇଣ୍ଟର୍ସ (ଇଓଆଇ)କୁ ଆମନ୍ତ୍ରଣ କରିଛି। ମନ୍ତ୍ରଣାଳୟ ପକ୍ଷରୁ ଦିଲ୍ଲୀର ଯମୁନା ନଦୀରୁ ଅଯୋଧ୍ୟା, ତେହେରୀ, ଶ୍ରୀନଗର (ଉତ୍ତରାଖଣ୍ଡ) ଏବଂ ଚଣ୍ଡିଗଡ଼, ମୁମ୍ବାଇରୁ ଶିରିଡି, ଲୋନାଭାଲା ଏବଂ ଗଣପତିପୁଲେ, ସୁରଟରୁ ଦ୍ୱାରକା, ମାଣ୍ଡଭି ଏବଂ କାନ୍ଦଲା, ଏହି ସବୁ ସମୁଦ୍ର ମାର୍ଗରେ ଏହି ସେବା ଆରମ୍ଭ କରିବା ନେଇ ଇଓଆଇ ମତ ପ୍ରକାଶ କରିଛି।
