ବଢୁଥିବା ସମୁଦ୍ର ଜଳ ଯୋଗୁ ସମଗ୍ର ବିଶ୍ୱ ଅସୁବିଧାରେ ପଡ଼ିଛି। ଏପରିକି ଅନେକ ସହରରେ ବୁଡ଼ିଯିବାର ଅବସ୍ଥା ମଧ୍ୟ ହୋଇଯାଇଛି। ନିକଟରେ ଆମେରିକାର ସ୍ପେସ୍ ଏଜେନ୍ସି ନାସା ତା’ ରିପୋର୍ଟରେ କହିଛି, ଗତ ୧୦୦ ବର୍ଷ ମଧ୍ୟରେ ଆମେରିକାର ସମୁଦ୍ର ପତ୍ତନ ଆସନ୍ତା ୩୦ବର୍ଷ ମଧ୍ୟରେ ବୃଦ୍ଧି ପାଇବ ନାହିଁ। ସବୁଠୁ ଆଶ୍ଚର୍ଯ୍ୟଜନକ କଥା ହେଉଛି ଯେତେବେଳେ ସମଗ୍ର ବିଶ୍ୱରେ ଜଳସ୍ତର ବୃଦ୍ଧି ହେଉଥିବା ବେଳେ ଏମିତି ଗୋଟିଏ ଦେଶ ଅଛି, ଯେଉଁଠି ସମୁଦ୍ର ଜଳ ହ୍ରାସ ପାଇବାରେ ଲାଗିଛି। ହଠାତ୍ କାହିଁକି ଏହା ଘଟିଲା ସେ ବିଷୟରେ ବୈଜ୍ଞାନିକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି।
ଏକ ରିପୋର୍ଟ ଅନୁଯାୟୀ, ମାଲ୍ଟା ଏବଂ ଗୋଜୋ ଉପକୂଳରେ ଥିବା ସମୁଦ୍ର ଜଳ ରେକର୍ଡ ସ୍ତରକୁ ଖସି ଆସିଛି। ଜାନୁୟାରୀରୁ ପ୍ରାୟ ୫୦ ସେମି ହ୍ରାସ ଘଟିଛି। ଜଳ ଅଭାବରୁ ସମୁଦ୍ର କୂଳ ଚଉଡ଼ା ହୋଇଗଲାଣି। ତେବେ ପ୍ରଶ୍ନ ଉଠୁଛି ୫୦ ସେଣ୍ଟିମଟର ପାଣି କୁଆଡ଼େ ଗଲା?
ବିଶେଷଜ୍ଞଙ୍କ ଅନୁଯାୟୀ, ବର୍ତ୍ତମାନ ପର୍ଯ୍ୟନ୍ତ ହାରାହାରି ୧୫ ସେମି ହ୍ରାସ ରେକର୍ଡ କରାଯାଇଛି। ମାର୍ଚ୍ଚରେ ଜଳ ସର୍ବନିମ୍ନ ଥିବାବେଳେ ନଭେମ୍ବରରେ ଏହା କମ୍ ଥିଲା। କିନ୍ତୁ ଏଥର ଜାନୁୟାରୀ ଏବଂ ଫେବୃୟାରୀରେ ଏଭଳି ପରିସ୍ଥିତି ଦେଖିବାକୁ ମିଳିଛି। ଅକ୍ଟୋବର ୧୯୯୨ରୁ ମାର୍ଚ୍ଚ ୧୯୯୩ ମଧ୍ୟରେ ୪୦ ସେମିର ସର୍ବନିମ୍ନ ହ୍ରାସ ରେକର୍ଡ କରାଯାଇଥିଲା କିନ୍ତୁ ବର୍ତ୍ତମାନ ଯେତେବେଳେ ସମଗ୍ର ବିଶ୍ୱରେ ଜଳ ସ୍ତର ବଢୁଛି, ସେତେବେଳେ ଏହି ହ୍ରାସ ବୈଜ୍ଞାନିକମାନଙ୍କୁ ମଧ୍ୟ ଆଶ୍ଚର୍ଯ୍ୟ କରିଛି।
