ଏଡନବର୍ଗ,୧୯।୧ : ସମ୍ପ୍ରତି ସ୍କଟଲାଣ୍ଡର ଆରିଜୋନା ଅଞ୍ଚଳରେ ମରୁଡ଼ି ପରିସ୍ଥିତିରେ ରହିଛି। ଲୋକମାନେ ଜଳ ସଂରକ୍ଷଣ ପାଇଁ ନୂତନ ପରୀକ୍ଷଣ କରୁଛନ୍ତି। ଏହି ସମୟରେ, ଏଠାରେ ଥିବା ସ୍କଟସଡେଲ, ରିଓ ଭର୍ଡେରୁ ଜଳ ଯୋଗାଣ ବନ୍ଦ କରି ଦେଇଛି ଏବଂ ଜାନୁଆରୀ ୧ ରୁ ଶହ ଶହ ପରିବାରଙ୍କ ପାଖରେ ପାଣି ନାହିଁ। ଫଳରେ ଶୌଚାଳୟ ପାଇଁ ବର୍ଷା ଜଳ-ଖାଇବା ପାଇଁ କାଗଜର ବ୍ୟବହାର କରାଯାଉଛି।
ସରକାରଙ୍କ ଏହି ବିବାଦୀୟ ପଦକ୍ଷେପକୁ ନେଇ କ୍ରୋଧିତ ଲୋକମାନେ ବର୍ତ୍ତମାନ କୋର୍ଟରେ ପହଞ୍ଚିଛନ୍ତି। ଅନ୍ୟପକ୍ଷରେ ସ୍କଟସଡେଲ କହିଛି ଯେ ରିଓ ଭର୍ଡେ ଜଳ ଯୋଗାଣ ପାଇଁ ଏହା ଦାୟୀ ନୁହେଁ। ସ୍କଟସଡେଲ ଦର୍ଶାଇଛି ଯେ ରିଓ ଭର୍ଡେ ଦୀର୍ଘ ବର୍ଷ ଧରି ଚେତାବନୀ ଦେଇଛି ଏବଂ ପରାମର୍ଶ ଦେଇଛି ଯେ ମରୁଡ଼ି ସମୟରେ ଏହା ଆମର ଯୋଗାଣ ଉପରେ ନିର୍ଭର କରିପାରିବ ନାହିଁ।
ରିଓ ଭର୍ଡେରେ ୫୦୦ରୁ ଅଧିକ ଘର ଅଛି ଯେଉଁଠାରେ ପାନୀୟ ଜଳ ମଧ୍ୟ ଉପଲବ୍ଧ ନାହିଁ। ଲୋକମାନେ ଦୈନନ୍ଦିନ କାର୍ଯ୍ୟ ପାଇଁ ନୂତନ ଏବଂ କଠିନ ପରୀକ୍ଷଣ କରୁଛନ୍ତି। ସ୍ଥାନୀୟ ବାସିନ୍ଦା କହିଛନ୍ତି ଯେ ସେମାନେ ଶୌଚାଳୟ ପାଇଁ ବର୍ଷା ଜଳ ବ୍ୟବହାର କରୁଛନ୍ତି ଏବଂ ଖାଦ୍ୟ ଲାଗି କାଗଜ ପ୍ଲେଟ ବ୍ୟବହାର କରୁଛନ୍ତି, ଯାହାଫଳରେ ଜଳ ସଞ୍ଚୟ ହୋଇପାରିବ। ଅନ୍ୟ ଜଣେ ବାସିନ୍ଦା ଡି ଥୋମାସ କହିଛନ୍ତି ଯେ ସେ ପୋଖରୀରେ ସଂଗୃହିତ ବର୍ଷା ଜଳକୁ ନିଜ ପରିବାରର ଆବଶ୍ୟକତା ପାଇଁ ବ୍ୟବହାର କରିବାକୁ ବାଧ୍ୟ ହେଉଛନ୍ତି। ସାଧାରଣ ଦିନରେ ସେ ଏହାକୁ ଗାଧୋଇବା ପାଇଁ ବ୍ୟବହାର କରୁଛନ୍ତି ।
