ବଲାଙ୍ଗୀର,୧୭ା୪(ସୁନିଲ କୁମାର ମହାନ୍ତି): ବଲାଙ୍ଗୀର ଜିଲାରେ ବଢ଼ି ଚାଲିଛି ପ୍ରଚଣ୍ଡ ଗ୍ରୀଷ୍ମ ପ୍ରବାହ। ଗତ ୪ ଦିନ ହେବ ଜିଲାରେ ପ୍ରାୟ ୪୧ରୁ ୪୨ ଡିଗ୍ରୀ ଉପରେ ତାପମାତ୍ରା ରହୁଛି। ଏପରି ସମୟରେ ସ୍କୁଲଗୁଡ଼ିକ ଖୋଲାଥିବାରୁ ଅଭିଭାବକଙ୍କ ଚିନ୍ତା ବଢ଼ିଥିଲା।
ଗୁରୁବାର ବଲାଙ୍ଗୀର ଜିଲାପାଳ ଗୌରଭ ଶିବାଜୀ ଇସଲଓ୍ବାର ଜିଲାରେ ତାତି ବଢ଼ିବା ନେଇ ଏକ ଜରୁରୀ ବୈଠକ ଡାକିଥିଲେ। ଜିଲା ଜରୁରୀକାଳିନ ଅଧିକାରୀ ଅତିରିକ୍ତ ଜିଲାପାଳଙ୍କ ସହିତ ଆଲୋଚନା ପରେ ଆସନ୍ତା ୧୮ ତାରିଖରୁ ୨୧ ତାରିଖ ପର୍ଯ୍ୟନ୍ତ ୪ ଦିନ ପାଇଁ ସ୍କୁଲ କଲେଜ, ଅଙ୍ଗନଓ୍ବାଡ଼ିକୁ ଛୁଟି ଘୋଷଣା କରିଛନ୍ତି ଜିଲାପାଳ। ଆଗକୁ ତାତି ବଢ଼ିଲେ ଛୁଟି ବଢ଼ାଇବା ନେଇ ନିଷ୍ପତ୍ତି ନିଆଯିବ ବୋଲି ଜିଲା ଜରୁରୀକାଳିନ ଅଧିକାରୀ ସୂଚନା ଦେଇଛନ୍ତି।