ରାଜକୋଟ,୧୫।୨: ଭାରତ-ଇଂଲଣ୍ଡ ମଧ୍ୟରେ ଚାଲିଥିବା ତୃତୀୟ ଟେଷ୍ଟରେ ସରଫରାଜ ଖାନ ଏକ ଭଲ ଡେବ୍ୟୁ କରିଛନ୍ତି। ସେ ଡେବ୍ୟୁ ଇନିଂସରେ ଅର୍ଦ୍ଧଶତକ ହାସଲ କରିଥିଲେ। ଏଥିପାଇଁ ସେ ମାତ୍ର ୪୮ଟି ବଲ ଖେଳିଥିଲେ। ସେ ମାତ୍ର ୫୮ ବଲ୍ରେ ୬୨ ରନ୍ କରି ଆଉଟ୍ ହୋଇଥିଲେ। ଏଥିରେ ୯ ଚୌକା ଏବଂ ଗୋଟିଏ ଛକା ସାମିଲ ଥିଲା। ଅନ୍ୟପଟେ ଶତକର ନିକଟତର ଥିବା ରବିନ୍ଦ୍ର ଜାଡେଜାଙ୍କ ପାଇଁ ସେ ନିଜ ଉଇକେଟ୍କୁ ବଳି ପକାଇଥିଲେ। ସରଫରାଜ୍ ଆଉଟ୍ ହେବା କ୍ଷଣି ଷ୍ଟାଡିୟମରେ ଦର୍ଶକ ଛିଡା ହୋଇ ତାଳି ମାରିଥିଲେ।
ଏହାପୂର୍ବରୁ ରାଜକୋଟରେ ଭାରତୀୟ ଅଧିନାୟକ ରୋହିତ ଶର୍ମା ଏକ ଶତକ ହାସଲ କରିଥିଲେ। ସେ ନିଜ ଟେଷ୍ଟ କ୍ୟାରିୟରର ୧୧ତମ ଶତକକୁ ୧୫୭ ବଲରେ ପୂରଣ କରିଥିଲେ। ରାଜକୋଟରେ ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟରେ ଗୋଟିଏ ସମୟରେ ଭାରତୀୟ ଦଳ ୩୩ ରନରେ ୩ଟି ଉଇକେଟ ହରାଇଥିଲା। ଏହା ପରେ ରୋହିତ ରବୀନ୍ଦ୍ର ଜାଡେଜାଙ୍କ ସହ ଚତୁର୍ଥ ଉଇକେଟ ପାଇଁ ୨୦୪ ରନ ରେକର୍ଡ ଭାଗିଦାରୀ କରି ଭାରତକୁ ଏକ ଶକ୍ତିଶାଳୀ ସ୍ଥିତିରେ ରଖିଥିଲେ।
