ପାକିସ୍ତାନର ପୂର୍ବତନ ଅଧିନାୟକ ସରଫରାଜ ଅହମ୍ମଦ ଅନେକ ସମୟରେ ସୋସିଆଲ ମିଡିଆରେ ଟ୍ରୋଲ ହୋଇଥାନ୍ତି। ଏବେ ସେ ମ୍ୟାଚ୍ବେଳେ ହାଇ ମାରି ଚର୍ଚ୍ଚାର କେନ୍ଦ୍ରବିନ୍ଦୁ ସାଜିଛନ୍ତି। ବିଶ୍ୱକପରେ ଉଇକେଟ କିପିଂ କରିବା ସମୟରେ ହାଇ ମାରିବା ହେଉ କି ନିକଟରେ ଇଂଲଣ୍ଡ ବିପକ୍ଷରେ ପଡ଼ିଆ ବାହାରେ ବସି ହାଇ ମାରିବା ହେଉ ଟ୍ରୋଲରମାନେ ତାଙ୍କୁ ଟାର୍ଗେଟ କରିବାକୁ କୌଣସି ସୁଯୋଗ ଛାଡନ୍ତି ନାହିଁ। କିନ୍ତୁ ବର୍ତ୍ତମାନ ସରଫରାଜ ଅହମ୍ମଦଙ୍କ ସ୍ତ୍ରୀ ଖୁଶବଖତ୍ ସେହି ଟ୍ରୋଲରକୁ ଏକ ଉପଯୁକ୍ତ ଜବାବ ଦେଇଛନ୍ତି। ତାହା ପୁଣି ଅଷ୍ଟ୍ରେଲିଆ କ୍ରିକେଟର ଷ୍ଟିଭ ସ୍ମିଥଙ୍କ ସାହାଯ୍ୟରେ। ସୂଚନାଯୋଗ୍ୟ, ଇଂଲଣ୍ଡ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ପ୍ରଥମ ଟି -୨୦ ମ୍ୟାଚ ସମୟରେ ସ୍ମିଥ ହାଇ ମାରୁଥିବା ନଜର ଆସିଥିଲେ। ଏହା ସୋସିଆଲ ମିଡିଆରେ ଭାଇରାଲ ହୋଇଛି। ଖୁସବଖତ୍ ସରଫରାଜ ସ୍ମିଥ୍ଙ୍କ ଫଟୋ ଶେୟାର କରି ଏକ ମଜାଳିଆ କ୍ୟାପ୍ଶନ୍ ଦେଇଛନ୍ତି। ସ୍ମିଥଙ୍କ ଫଟୋରେ ଖୁସବଖତ କହିଛନ୍ତି ଯେ, କିମ୍ବଦନ୍ତୀ ଏହିପରି ହୋଇଥାନ୍ତି। ଅର୍ଥାତ୍ ସେ ତାଙ୍କ ସ୍ବାମୀଙ୍କୁ କିମ୍ବଦନ୍ତୀ ବୋଲି କହିଛନ୍ତି। ନିକଟରେ ସରଫରାଜ ଅହମ୍ମଦଙ୍କ ହାଇ ମରା ଫଟୋ ଭାଇରାଲ ହେବା ପରେ ଟ୍ରୋଲରମାନେ ତାଙ୍କୁ କହିଥିଲେ ଯେ ସରଫରାଜ ହେଉଛନ୍ତି ପ୍ରଥମ କ୍ରିକେଟର ଯିଏକି ସମସ୍ତ ଫର୍ମାଟରେ ହାଇ ମାରିଛନ୍ତି।
