ନୁଆଦିଲ୍ଲୀ,୨୫।୪ : ସମଲିଙ୍ଗୀ ବିବାହ ନେଇ ଏଲଜିବିଟିଙ୍କ ସମ୍ପର୍କୀୟମାନେ ଦେଶର ପ୍ରଧାନ ବିଚାରପତି ଡି.ଓ୍ବାଇ. ଚନ୍ଦ୍ରଚୂଡଙ୍କୁ ଏକ ଚିଠି ଲେଖିଛନ୍ତି। ଏହି ଚିଠିରେ ସମଲିଙ୍ଗୀ ବିବାହକୁ ଅନୁମୋଦନ କରିବାକୁ ପ୍ରଧାନ ବିଚାରପତିଙ୍କ ନିକଟରେ ଆବେଦନ କରାଯାଇଛି। ସମଲିଙ୍ଗୀ ବିବାହର ଅନୁମୋଦନ ସମ୍ପର୍କରେ ସୁପ୍ରିମକୋର୍ଟ ଶୁଣାଣି କରୁଛନ୍ତି। କେନ୍ଦ୍ର ସରକାର ଏହାକୁ ବିରୋଧ କରୁଛନ୍ତି। ସରକାର ଯୁକ୍ତି କରିଛନ୍ତି ବିବାହକୁ ଆଇନଗତ ମାନ୍ୟତା ଦେବା ସଂସଦର କାମ।
ଏନେଇ ବାର୍ କାଉନସିଲ ଅଫ ଇଣ୍ଡିଆ (ବିସିସିଆଇ) ମଧ୍ୟ ବିଭିନ୍ନ ରାଜ୍ୟର ବାର୍ କାଉନସିଲ ସହିତ ମିଳିତ ବୈଠକ କରିଛି। ଏହି ବୈଠକରେ ଏକ ସଂକଳ୍ପ ପାରିତ ହୋଇଛି ଯେଉଁଥିରେ ସୁପ୍ରିମକୋର୍ଟରେ ସମଲିଙ୍ଗୀ ବିବାହର ମାନ୍ୟତା ପ୍ରସଙ୍ଗକୁ ସଂସଦ ଛାଡିବା ଉଚିତ ବୋଲି ସୁପ୍ରିମକୋର୍ଟରେ ଏକ ଅପିଲ କରାଯାଇଥିଲା।
ସମଲିଙ୍ଗୀ ବିବାହର ଆଇନଗତ ମାନ୍ୟତା ଦାବିରେ ସୁପ୍ରିମକୋର୍ଟରେ ଚତୁର୍ଥ ଦିନ ଶୁଣାଣି ଆରମ୍ଭ ହୋଇଛି। ଶୁଣାଣି ସମୟରେ ଏଲଜିବିଟି ସମ୍ପ୍ରଦାୟର ପ୍ରତିନିଧିତ୍ୱ କରୁଥିବା ବରିଷ୍ଠ ଓକିଲ ଗୀତା ଲୁଥ୍ରା କହିଛନ୍ତି ୧୨ଟି ଜି -୨୦ ଦେଶରେ ସମଲିଙ୍ଗୀ ବିବାହକୁ ଅନୁମୋଦନ କରାଯାଇଛି। ଆମେ ପଛରେ ରହି ପାରିବୁ ନାହିଁ, ଯଦିଓ ଏହା କେବଳ ଜଣେ ବ୍ୟକ୍ତିଙ୍କ ମାମଲା ହେଉ ଆମେ ସେମାନଙ୍କଠାରୁ ସେମାନଙ୍କର ଅଧିକାର ଛଡ଼ାଇ ପାରିବୁ ନାହିଁ।
