ମୁମ୍ବାଇ: ମେଗାଷ୍ଟାର ଚିରଞ୍ଜିବଙ୍କ ଫିଲ୍ମ ‘ଗଡ ଫାଦର’ରେ ବଲିଉଡ ଭାଇଜାନ ସଲମାନ ଖାଁ ବି ନଜର ଆସିବେ । ଏହି ଫିଲ୍ମରେ ସଲମାନ କେମିଓ ଭୂମିକାରେ ନଜର ଆସିବେ ଓ ଚିରଞ୍ଜିବଙ୍କ କ୍ରାଇମ ପାର୍ଟନର ଭୂମିକାରେ ଦେଖାଦେବେ । ନିକଟରେ ଗଡଫାଦରର ଗୀତ ‘ଥାର ମାର ଥାକର ମାର’ ରିଲିଜ ହୋଇଥିଲା । ଯେଉଁଥିରେ ଚିରଞ୍ଜିବଙ୍କ ସହ ସଲମାନ ଠୁମକା ଲଗାଉଥିବା ଦେଖାଯାଇଛି । ଏହାକୁ ଗାଇଛନ୍ତି ଶ୍ରେୟା ଘୋଷାଲ ।
ନିକଟରେ ସାଉଥର ଏକ ନ୍ୟୁଜ ଚ୍ୟାନେଲକୁ ଦେଇଥିବା ଇଣ୍ଟରଭ୍ୟୁରେ ଚିରଞ୍ଜିବ କହିଛନ୍ତି ସଲମାନଙ୍କୁ ସାଲ୍ୟୁଟ । ଘଟଣା ହେଲା ଫିଲ୍ମ ‘ଗଡଫାଦର’ରେ ଅଭିନୟ ପାଇଁ ସଲମାନ କେତେ ଫିଜ ନେଇଥିବା ପ୍ରଶ୍ନରେ ଚିରଞ୍ଜିବ କହିଥିଲେ ଏଥିପାଇଁ ସଲମାନ ଟଙ୍କାଟିଏ ବି ନେଇ ନାହାନ୍ତି । କେବଳ ଦର୍ଶକଙ୍କ ଭଲପାଇବା ଯୋଗୁ ସେ ଏଥିରେ ଅଭିନୟ କରିଛନ୍ତି । ସଲମାନ ଭାଇ ଆମେ ଆପଣଙ୍କୁ ଭଲପାଉ ଆପଣଙ୍କୁ ସାଲ୍ୟୁଟ ।
ସୂଚନାଯୋଗ୍ୟ, ତାମିଲ ଫିଲ୍ମ ‘ଗଡଫାଦର’ ହେଉଛି ମାଲୟାଲମ ମୁଭି ‘ଲୁସିଫର’ର ରିମେକ । ଏହାର ନିର୍ଦ୍ଦେଶନା ଦେଇଛନ୍ତି ରାଜା ମୋହନ । ଚିରଞ୍ଜିବଙ୍କ ସହ ଏହି ଫିଲ୍ମରେ ନୟନତାରା ଓ ସତ୍ୟଦେବ ବି ମୁଖ୍ୟ ଭୂମିକାରେ ନଜର ଆସିବେ । ଏହି ଆକ୍ସନ ଥ୍ରିଲର ଫିଲ୍ମରେ ଦର୍ଶକେ ପଲିଟିକାଲ ଡ୍ରାମା ବି ଦେଖିବାକୁ ପାଇବେ ।
