ଭାରତୀୟ କ୍ରିକେଟରେ ଯେତେବେଳେ କୌଣସି ମହାନ ବ୍ୟାଟ୍ସମ୍ୟାନ୍ ବିଷୟରେ କୁହାଯାଏ ସର୍ବପ୍ରଥମେ ନାମ ଆସିଥାଏ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ନାମ। ସେ କେବଳ ନିଜ ଖେଳ ପାଇଁ ପ୍ରଶଂସକଙ୍କ ହୃଦୟ ଜିଣି ନାହାନ୍ତି ବରଂ ଭାରତୀୟ କ୍ରିକେଟକୁ ବହୁତ ଉପରକୁ ନେଇପାରିଛନ୍ତି। ଯେତେବେଳେ ବି ସଚିନଙ୍କ କଥା ଆସେ, ସର୍ବପ୍ରଥମେ ତାଙ୍କର ଭଲ ଇନିଂସ ବିଷୟରେ ଉଲ୍ଲେଖ କରାଯାଇଥାଏ। ଭାରତ-ପାକିସ୍ତାନ ମଧ୍ୟରେ କ୍ରିକେଟ ମ୍ୟାଚ ହେଲେ ପ୍ରଶଂସକମାନେ ଉତ୍ସାହର ସହ ଦେଖିଥାନ୍ତି। ତେବେ କ୍ରିକେଟର ଭଗବାନ କୁହାଯାଉଥିବା ସଚିନ ତେନ୍ଦୁଲକର ଆଜିର ଦିନରେ ଅର୍ଥାତ୍ ୧୮ ଡିସେମ୍ବର, ୧୯୮୯ରେ ପାକିସ୍ତାନ ବିପକ୍ଷରେ ପ୍ରଥମ ମ୍ୟାଚ୍ ଖେଳିଥିଲେ। ପାକିସ୍ତାନ ଗୁଜନାଓ୍ବାଲା ସହରର ‘ଜିନ୍ନା ଷ୍ଟାଡିୟମ୍’ ରେ ଯେତେବେଳେ ଏହି ମ୍ୟାଚ୍ ଆରମ୍ଭ ହୋଇଥିଲା, ସେତେବେଳେ ସମସ୍ତଙ୍କର ନଜର କେବଳ ସେହି ୧୬ ବର୍ଷ ବାଳକ ଉପରେ ଥିଲା। କିନ୍ତୁ ଏହି ମ୍ୟାଚ୍ ସଚିନଙ୍କ ପାଇଁ ଭଲ ନ ଥିଲା। ଏହି ଦିନ ପାକିସ୍ତାନ ବିପକ୍ଷରେ ପ୍ରଥମ ଥର ପାଇଁ ଏକଦିବସୀୟ ମ୍ୟାଚ୍ ଖେଳି ଶୂନରେ ଆଉଟ୍ ହୋଇଥିଲେ।
