ନୂଆଦିଲ୍ଲୀ,୨୦।୧୦: ଅଶୋଧିତ ତୈଳ ରପ୍ତାନୀକାରୀ ମଧ୍ୟରେ ଆରବ ଷ୍ଟେଟ ଅଫ ପର୍ସିଆନ ଗଲ୍ଫ ଦେଶଗୁଡିକର ଦବ୍ଦବ୍ା ରହି ଆସିଛି। ୟୁକ୍ରେନ-ଋଷିଆ ଯୁଦ୍ଧ ମଧ୍ୟରେ ଋଷିଆକୁ ତୈଳ ରପ୍ତାନୀ ପାଇଁ ବିଶ୍ୱର ଅନେକ ଦେଶ କଟକଣା ଲଗାଇଥିବାବେଳେ ଆରବ ଦେଶଗୁଡିକ ଏହି ସମୟରେ ପ୍ରଚୁର ଲାଭ ମିଳୁଥିଲା। କିନ୍ତୁ ନିକଟରେ ପ୍ରକାଶ ପାଇଥିବା ରିପୋର୍ଟ ଅନୁସାରେ ଋଷିଆ ଭାରତକ୍ୁ ତୈଳ ଯୋଗାଇବାରେ ଟପ୍ ସପ୍ଲାଏର ବା ରପ୍ତାନକାରୀ ଭାବେ ଉଭା ହୋଇଛି। ଚଳିତ ଆର୍ଥିକ ବର୍ଷର ପ୍ରଥମ ୬ ମାସରେ ଋଷିଆ ଭାରତକୁ ଅଶୋଧିତ ତୈଳ ରପ୍ତାନୀ କରି ୪୦ ପ୍ରତିଶତ ଅଂଶଧନ ହାସଲ କରିଛି।
ଭାରତ ହେଉଛି ବିଶ୍ୱର ତୃତୀୟ ବୃହତ୍ତମ ତୈଳ ଆମଦାନୀକାରୀ ଦେଶ। ଭାରତକୁ ଅଧିକରୁ ଅଧିକ ଅଶୋଧିତ ତୈଳ ଋଷିଆ ଦ୍ୱାରା ହିଁ ଆସିଥାଏ। ବର୍ତ୍ତମାନ ଋଷିଆର ତୈଳ ଦର ପାଖାପାଖି ୮୦ ଡଲାରରେ ପହଞ୍ଚିଛି। ୨୦୨୩-୨୪ଆର୍ଥିକ ବର୍ଷର ପ୍ରଥମାର୍ଦ୍ଧରେ ଭାରତ ଦିନକୁ ହାରାହାରି ୧.୭୬ମିଲିୟନ ବ୍ୟାରେଲ (ବିପିଡି) ଋଷିଆ ତେଲ ଆମଦାନୀ କରିଥିଲା। ଗତ ବର୍ଷ ସମାନ ଅବଧିରେ ଏହି ଆମଦାନୀ ଦିନକୁ ପ୍ରାୟ ୭୮୦,୦୦୦ ବ୍ୟାରେଲ ଥିଲା। ଗତ ମାସରେ ଜୁଲାଇ ଏବଂ ଅଗଷ୍ଟରେ ଋଷିଆରୁ ଭାରତର ଆମଦାନୀ ୧.୫୪ନିୟୁତ ବିପିଡିଏକୁ ବୃଦ୍ଧି ପାଇ ଅଗଷ୍ଟ ତୁଳନାରେ ୧୧.୮ ପ୍ରତିଶତ ଅର୍ଥାତ ପୂର୍ବ ବର୍ଷ ତୁଳନାରେ ୭୧.୭ ପ୍ରତିଶତ ବୃଦ୍ଧି ପାଇଥିଲା।
ଅଶୋଧିତ ତୈଳ ଦର କ୍ରମାଗତ ଭାବେ ବୃଦ୍ଧି ପାଉଛ। ତେବେ, ଗଲ୍ଫ ଦେଶ ତୁଳନାରେ ଋଷିଆର ତୈଳ ବର୍ତ୍ତମାନ ବ୍ୟାରେଲ ପିଛା ୧୦ ରୁ ୧୫ ଡଲାର ଶସ୍ତା ରହିଛି। ସେପ୍ଟେମ୍ବର ମାସରେ, ଏକ ରିପୋର୍ଟ ଅନୁସାରେ ଭାରତ ରୁଷରୁ ଅଶୋଧିତ ତୈଳ ବ୍ୟାରେଲ ପିଛା ୮୦ ଡଲାରରେ ପାଉଛି। ଯାହା ପାଶ୍ଚାତ୍ୟ ଦେଶଗୁଡିକ ଲଗାଇଥିବା କ୍ୟାପ ତୁଳନାରେ ବ୍ୟାରେଲ ପିଛା ୨୦ ଡଲାର ଅଧିକ ରହିଛି। ଯଦି ଭାରତ ବର୍ତ୍ତମାନ ସୁଦ୍ଧା ଋଷିଆରୁ ଅଶୋଧିତ ତୈଳ ୮୦ ଡଲାରରେ ନେଉଛି, ତେବେ ବ୍ରେଣ୍ଟ ଅଶୋଧିତ ତେଲ ତୁଳନାରେ ଏହା ୧୩ ରୁ ୧୪ ଡଲାର ଶସ୍ତା ଅଟେ। ବର୍ତ୍ତମାନ ବ୍ରେଣ୍ଟ ଅଶୋଧିତ ତୈଳର ମୂଲ୍ୟ ବ୍ୟାରେଲ ପିଛା ପାଖାପାଖି ୯୪ ଡଲାରରେ ପହଞ୍ଚିଛି।
