ନୂଆଦିଲ୍ଲୀ,୧।୧୨: ଜନସଂଖ୍ୟା ହ୍ରାସ ନେଇ ସଂଗଠନର ମୁଖ୍ୟ ମୋହନ ଭଗବତ ଉଦ୍ବେଗ ପ୍ରକାଶ କରିଛନ୍ତି। ଭାଗବତ କହିଛନ୍ତି ଯେ ଜନସଂଖ୍ୟା ହ୍ରାସ ଏକ ଚିନ୍ତାର ବିଷୟ। ଜନସଂଖ୍ୟା ଅଭିବୃଦ୍ଧି ହାର ୨.୧ ହେବା ଉଚିତ। ଯଦି ଏହାଠାରୁ କମ ହୁଏ ତେବେ ଏହା ସମାଜ ପାଇଁ ଏକ ବଡ ବିପଦ। ଦୁଇରୁ ତିନି ପିଲା ରହିବା ଉଚିତ। ଏହା ଆବଶ୍ୟକ କାରଣ ସମାଜ ତିଷ୍ଠିବା ଉଚିତ।
ଭାଗବତ କହିଛନ୍ତି ଯେ ଆଧୁନିକ ଜନସଂଖ୍ୟା ବିଜ୍ଞାନ କହୁଛି ଯେ ଯେତେବେଳେ ଏକ ସମାଜର ଜନସଂଖ୍ୟା (ପ୍ରଜନନ ହାର) ୨.୧ ତଳକୁ ଯାଏ, ସେତେବେଳେ ସମାଜ ପୃଥିବୀରୁ ଅଦୃଶ୍ୟ ହୋଇଯାଏ। ଏହିପରି ଅନେକ ଭାଷା ଏବଂ ସମାଜ ନଷ୍ଟ ହୋଇଯାଇଛି। ଜନସଂଖ୍ୟା ୨.୧ ତଳକୁ ଯିବା ଉଚିତ ନୁହେଁ। ଆମ ଦେଶର ଜନସଂଖ୍ୟା ନୀତି ୧୯୯୮ କିମ୍ବା ୨୦୦୨ ରେ ସ୍ଥିର ହୋଇଥିଲା। କୌଣସି ସମାଜର ଜନସଂଖ୍ୟା ୨.୧ ରୁ କମ ହେବା ଉଚିତ ନୁହେଁ ବୋଲି ସେ କହିଛନ୍ତି।
Nagpur, Maharashtra | RSS chief Mohan Bhagwat says, “The decline in population is a matter of concern. Modern population science says that when the population (fertility rate) of a society goes below 2.1, that society vanishes from the earth. That society gets destroyed even when… pic.twitter.com/05fuy2dVKs
— ANI (@ANI) December 1, 2024
ମୋହନ ଭଗବତଙ୍କ ଏହି ବିବୃତ୍ତି ଏପରି ଏକ ସମୟରେ ଆସିଛି ଯେତେବେଳେ ଅନେକ ଭାଜପା ନେତା ଜନସଂଖ୍ୟାକୁ ନିୟନ୍ତ୍ରଣ କରିବା କଥା କହୁଛନ୍ତି। ସେମାନେ ଦେଶରେ ଜନସଂଖ୍ୟା ନିୟନ୍ତ୍ରଣ ଆଇନ ଆଣିବା ବିଷୟରେ କହୁଛନ୍ତି। ହେଲେ ପ୍ରଜନନ ହାର ହ୍ରାସକୁ ନେଇ ସଂଘ ମୁଖ୍ୟ ଉଦବେଗ ପ୍ରକାଶ କରିଛନ୍ତି। କିଛି ମାସ ପୂର୍ବରୁ ରାଜସ୍ଥାନରୁ ଭାଜପା ବିଧାୟକ ବାଲମୁକୁଣ୍ଡାଚାର୍ଯ୍ୟ ଜନସଂଖ୍ୟା ନିୟନ୍ତ୍ରଣ ବିଲ ଆଣିବା ବିଷୟରେ କହିଥିଲେ।
ହାୱାମହଲ (ଜୟପୁର) ଆସନରୁ ବିଧାୟକ ବାଲମୁକୁଣ୍ଡାଚାର୍ଯ୍ୟ କହିଛନ୍ତି ଯେ ସନ୍ତୁଳନ ଏବଂ ବିକାଶ ପାଇଁ ଜନସଂଖ୍ୟା ନିୟନ୍ତ୍ରଣ ବିଲ ଆଣିବା ଆବଶ୍ୟକ। ଏକ ର୍ନିଦ୍ଦିଷ୍ଟ ସମ୍ପ୍ରଦାୟ ବିରୋଧରେ ଭାଜପା ବିଧାୟକଙ୍କ ଟାର୍ଗେଟ କରି କହିଛନ୍ତି ଯେ ଜନସଂଖ୍ୟା ବୃଦ୍ଧି ବିକାଶର ବେଗରେ ବାଧା ସୃଷ୍ଟି କରୁଛି। ଚାରି ପତ୍ନୀ ଏବଂ ୩୬ ପିଲାଙ୍କୁ ଅନୁମତି ଦିଆଯାଇପାରିବ ନାହିଁ।
ବାଲମୁକୁଣ୍ଡାଚାର୍ଯ୍ୟଙ୍କ ଏହି ବିବୃତ୍ତିକୁ ନେଇ କଂଗ୍ରେସ ଭାଜପା ଉପରେ ଆକ୍ରମଣ କରିଥିଲା। ସ୍ଜନସଂଖ୍ୟା ନିୟନ୍ତ୍ରଣ ନାମରେ ଭାଜପା ଏକ ର୍ନିଦ୍ଦିଷ୍ଟ ସମ୍ପ୍ରଦାୟକୁ ଟାର୍ଗେଟ କରୁଛି। ଜନସଂଖ୍ୟା ବିଷୟରେ ଚିନ୍ତା କରିବା ପରିବର୍ତ୍ତେ କେବଳ ଏକ ର୍ନିଦ୍ଦିଷ୍ଟ ସମ୍ପ୍ରଦାୟକୁ ଟାର୍ଗେଟ କରିବା ଭାଜପାର ଉଦ୍ଦେଶ୍ୟ। ଜନସଂଖ୍ୟା ବୃଦ୍ଧିକୁ ନିୟନ୍ତ୍ରଣ କରିବା ପାଇଁ ଯଦି ଏକ ଆଇନ ପ୍ରସ୍ତୁତ କରାଯାଏ, ତେବେ କଂଗ୍ରେସ ଏହାକୁ ସ୍ବାଗତ କରିବ ବୋଲି କଂଗ୍ରେସ କହିଛି।
କହିରଖୁଛୁ, ସ୍ବାଧୀନତା ପରେ ୧୯୫୦ ମସିହାରେ ଭାରତରେ ପ୍ରଜନନ ହାର ୬.୨ ଥିଲା, ଯାହା ୨.୧ ପ୍ରତିଶତକୁ ଖସି ଆସିଛି। ଯଦି ଏହା ଜାରି ରହେ ତେବେ ୨୦୫୦ ସୁଦ୍ଧା ଭାରତରେ ପ୍ରଜନନ ହାର ୧.୩ ହୋଇଯିବ।
