ଲଣ୍ଡନ,୨୦।୭: ଯଦିଓ ରୋହିତ ଶର୍ମାଙ୍କ ଶତକ ତୃତୀୟ ଦିନିକିଆରେ ଟିମ ଇଣ୍ଡିଆ ପାଇଁ ବିଜୟ ସୁନିଶ୍ଚିତ କରିପାରି ନ ଥିଲା, କିନ୍ତୁ ଖେଳାଳି ତାଙ୍କର ଚମତ୍କାର ବ୍ୟାଟିଂ ଦ୍ୱାରା ପ୍ରଶଂସକଙ୍କ ହୃଦୟ ଜିତିଥିଲେ। ସେ ୧୧୦ ବଲ ରୁ ୧୩୮ ରନର ଇନିଂସ ଖେଳିଥିଲେ। ଏଥିରେ ୧୭ ଚୌକା ଏବଂ ୫ ଛକା ସାମିଲ ଥିଲା। ଏହାକୁ ତାଙ୍କ କ୍ୟାରିୟରର ସବୁଠାରୁ ଗୁରୁତ୍ୱପୂର୍ଣ୍ଣ ଇନିଂସ ମଧ୍ୟରୁ ଗୋଟିଏ ଭାବରେ ପ୍ରଶଂସା କରାଯାଉଛି, କାରଣ ତାଙ୍କୁ ଦଳରୁ ବାହାର କରାଯିବା ବିଷୟରେ ଆଲୋଚନା ହୋଇଥିଲା। ଏହି ପରସ୍ଥିତି ମଧ୍ୟରେ ସେ ଏକ ଚମତ୍କାର ପ୍ରଦର୍ଶନ କରିଥିଲେ ଏବଂ ତାଙ୍କ ସମାଲୋଚକମାନଙ୍କୁ ଉପଯୁକ୍ତ ଜବାବ ଦେଇଥିଲେ। ଶତକ ପରେ ରୋହିତ ଶର୍ମା ଯାହା କଲେ ତାହା ବହୁତ ଆକର୍ଷଣୀୟ। ରିପୋର୍ଟ ଅନୁସାରେ, ଲର୍ଡସ ଦିନିକିଆ ଶେଷ ହେବା ପରେ ସେ ଚୁପଚାପ ପଛ ପଟ ଦେଇ ବାହାରକୁ ଖସିଗଲେ।
ଶତକ ହାସଲ କରିବା ପରେ, ରୋହିତ ଶର୍ମା ଦଳ ବୈଠକରେ ଯୋଗ ଦେଇଥିଲେ, ଏବଂ ଦୁଇ ଘଣ୍ଟା ପରେ, ସେ ଚୁପଚାପ ପଛ ଦ୍ୱାର ଦେଇ ବାହାରକୁ ବାହାରି ଆସିଥିଲେ। ଟିମ ହୋଟେଲ ବାହାରେ ୪୦୦ ରୁ ୫୦୦ ପ୍ରଶଂସକ ରୋହିତଙ୍କ ପାଇଁ ଅପେକ୍ଷା କରିଥିଲେ, ତଥାପି ସେ ପଛ ପଠ ଦେଇ ବାହାରକୁ ଖସିଗଲେ। ସେ ଲଣ୍ଡନରେ ସମ୍ପର୍କୀୟମାନଙ୍କୁ ଭେଟିବାକୁ ଚାହୁଁଥିଲେ। ସେ ତାଙ୍କ ପରିବାର ସହିତ କିଛି ଦିନ ବିତାଇବାକୁ ଚାହୁଁଥିବାରୁ ସେଥିପାଇଁ ସେ ଚୁପଚାପ ଚାଲିଗଲେ। ସେ ସାଧାରଣ ଭାବରେ ସର୍ଟସ, ଟି-ଶର୍ଟ ଏବଂ ଚପଲ ପିନ୍ଧିଥିଲେ। ସେ କାର କିମ୍ବା ଟ୍ୟାକ୍ସି ମଧ୍ୟ ବୁକ କରି ନ ଥିଲେ; ବରଂ ସେ ଲଣ୍ଡନ ଟ୍ୟୁବ (ଟ୍ରେନ ନେଟୱାର୍କ) ବ୍ୟବହାର କରି ତାଙ୍କ ସମ୍ପର୍କୀୟଙ୍କ ଘରକୁ ଯାତ୍ରା କରିଥିଲେ।
ରୋହିତ ଶର୍ମା ଲର୍ଡସରେ ଏକ ରେକର୍ଡ ଭାଙ୍ଗିବା ଇନିଂସ ଖେଳିଥିଲେ। ସେ ଐତିହାସିକ ଲର୍ଡସ ଗ୍ରାଉଣ୍ଡରେ ଏକ ଦିନିକିଆ ଶତକ ମାରିଥିବା ପ୍ରଥମ ଭାରତୀୟ କ୍ରିକେଟର ହୋଇଥିଲେ। ଏହା ବ୍ୟତୀତ, ସେ ୟୁଏଇରେ ସଚିନ ତେନ୍ଦୁଲକରଙ୍କ ସାତ ଶତକର ରେକର୍ଡକୁ ଅତିକ୍ରମ କରି ବିଦେଶୀ ମାଟିରେ ସର୍ବାଧିକ ଏକ ଦିବସୀୟ ଶତକ ଲଗାଇଥିବା ଖେଳାଳି ହୋଇଥିଲେ। ରୋହିତ ଶର୍ମା ଇଂଲଣ୍ଡରେ ୮ଟି ଦିନିକିଆ ଶତକ ମାରିଛନ୍ତି, ଏଜବାଷ୍ଟନ, ବ୍ରିଷ୍ଟଲ, ଦି ଓଭାଲ, ଓଲ୍ଡ ଟ୍ରାଫୋର୍ଡ, ସାଉଥାମ୍ପଟନ, ଟ୍ରେଣ୍ଟ ବ୍ରିଜ ଏବଂ ଲର୍ଡସ ସମେତ ସ୍ଥାନରେ ସେ ଏହା କରିଛନ୍ତି। କେବଳ ଜୋ ରୁଟ ଇଂଲଣ୍ଡରେ ତାଙ୍କଠାରୁ ଅଧିକ ଦିନିକିଆ ଶତକ ମାରିଛନ୍ତି। ରୁଟ ୯୩ ଇନିଂସରେ ଏହି ସଫଳତା ହାସଲ କରିଥିଲେ। ରୋହିତ ମାତ୍ର ୩୦ ଇନିଂସରେ ଏହା କରିପାରିଥିଲେ।
Dharitri – Odisha’s No.1 Odia Daily
