ଚାଇନାରୁ ଆରମ୍ଭ ହୋଇଛି ବ୍ୟବହାର
କରୋନା ମହାମାରୀ ଯୋଗୁ ଜାରି ହୋଇଥିବା ଲକ୍ଡାଉନ୍ ଯୋଗୁ ସମଗ୍ର ବିଶ୍ୱରେ ଲୋକଙ୍କ ଜୀବନଶୈଳୀ ସହ ଚିନ୍ତାଧାରାରେ ମଧ୍ୟ ପରିବର୍ତ୍ତନ ହୋଇଛି। ଏହି ସମୟରେ ସବୁଠାରୁ ଅଧିକ ବ୍ୟବହାର କରାଯାଉଛି ରୋବର୍ଟକୁ। ୟୁରୋପର ଅନେକ ଦେଶରେ ରୋବର୍ଟକୁ ନିତିଦିନିଆ ଜୀବନରେ ବ୍ୟବହାର କରାଗଲାଣି। ରୋବର୍ଟ କେତେବେଳେ ପୋଲିସ ତ ଆଉ କେତେବେଳେ ଡେଲିଭରି ବୟ ସାଜି ଲୋକଙ୍କ ସେବା କରୁଛି।
କରୋନା ମୁକାବିଲା ପାଇଁ ଚାଇନା ସର୍ବପ୍ରଥମେ ରୋବର୍ଟକୁ ବ୍ୟବହାର କରିଥିଲା। ବିଶେଷକରି ସହରକୁ ସାନିଟାଇଜ୍ କରିବାରେ ରୋବର୍ଟକୁ ସେ ବ୍ୟବହାର କରୁଛି। ସିଙ୍ଗାପୁରରେ ମଧ୍ୟ ରୋବର୍ଟକୁ ବହୂଳଭାବେ ବ୍ୟବହାର କରାଯାଉଛି।
ଲକ୍ଡାଉନ୍ ଯୋଗୁ ଲୋକେ ଯେତେବେଳେ ଘରେ ରହିବାକୁ ଲାଗିଲେ ଘରର ସମସ୍ତ କାମ କରିବା ପାଇଁ ରୋବର୍ଟକୁ ବ୍ୟବହାର କଲେ। ଯୁକ୍ତରାଷ୍ଟ୍ର ଆମେରିକାରେ ଏକାପଣ ଦୂର କରିବା ପାଇଁ ଲୋକେ ରୋବର୍ଟ କିଣି ଘରେ ରଖିଲେ। ରୋବର୍ଟ ଗୀତ ଶୁଣାଇବା,ରୋଷେଇ କରିବା ସହ ଘରର ସସ୍ତ କାମ କଲା।
ଟ୍ୟୁନିସିଆର ରାଜଧାନୀରେ ପୋଲିସମାନେ ପାଟ୍ରୋଲିଂ ସମୟରେ ରୋବର୍ଟକୁ ବ୍ୟବହାର କରୁଛନ୍ତି। ଏହି ସମୟରେ ରୋବର୍ଟ କରୋନା ପୀଡିତଙ୍କ ଗତିବିଧି ଉପରେ ନଜର ରଖିବା ଠାରୁ ସେମାନଙ୍କୁ ସଚେତନ କରାଇବା ଏବଂ ରୋଗୀଙ୍କୁ ଅନ୍ୟମାନଙ୍କଠାରୁ ଦୂରେଇ ରଖିବା କାମ କରୁଛି।
ଇଷ୍ଟୋନିଆର ଏକ କମ୍ପାନୀ ଷ୍ଟାରସିପ୍ ଲକ୍ଡାଉନ୍ରେ ଏପରି ଏକ ରୋବର୍ଟ ତିଆରି କରିଛି ଯାହାକି ଗ୍ରୋସରୀଠାରୁ ଆରମ୍ଭକରି ପାଣି ସବୁକିଛି ଆଣି ଘରେ ପହଞ୍ଚାଉଛି। ରୋବର୍ଟକୁ କେଉଁଠାକୁ ଯିବା ଆସିବାରେ କଟକଥା ନ ଥିବାରୁ ଇଷ୍ଟୋନିଆର ଏହି କାମ ଅତି ସୁବିଧାରେ ହୋଇପାରୁଛି।
