ନୂଆଦିଲ୍ଲୀ,୨୭।୧୧ : ନିର୍ଦ୍ଧାରିତ ସମୟ ମଧ୍ୟରେ ପ୍ରକଳ୍ପ ଶେଷ କରିବାରେ ସଡକ ପରିବହନ ଏବଂ ରାଜପଥ ବିଭାଗ ପଛରେ ପଡିଛି। ବିଭାଗର ୨୪୩ ଟି ପ୍ରକଳ୍ପ ବିଳମ୍ବରେ ଚାଲିଛି। ଏହା ପରେ ରେଳବାଇ ଦ୍ୱିତୀୟ ସ୍ଥାନରେ ରହିଛି। ରେଳବାଇର ୧୧୪ଟି ପ୍ରକଳ୍ପ ଏପର୍ଯ୍ୟନ୍ତ ଶେଷ ହୋଇନାହିଁ। ସେହିପରି ତୃତୀୟ ସ୍ଥାନରେ ୮୯ଟି ପ୍ରକଳ୍ପ ସହିତ ପେଟ୍ରୋଲିୟମ ସେକ୍ଟର ରହିଛି ।
ଏକ ସରକାରୀ ରିପୋର୍ଟରେ କୁହାଯାଇଛି ଯେ ସଡକ ପରିବହନ ଏବଂ ରାଜପଥ ବିଭାଗ ସହ ଜଡିତ ୮୨୬ ଟି ମଧ୍ୟର୨୪୩ଟି ପ୍ରକଳ୍ପର ଗତି ଅତ୍ୟନ୍ତ ମନ୍ଥର ଅଟେ। ଏଥି ସହିତ ରେଳବାଇର ୧୭୩ ଟି ପ୍ରକଳ୍ପ ମଧ୍ୟରୁ ୧୧୪ ଟି ଏବଂ ପେଟ୍ରୋଲିୟମ କ୍ଷେତ୍ରରେ୧୪୨ ଟି ମଧ୍ୟରୁ ୮୯ ଟି ବିଳମ୍ବରେ ଚାଲିଛି।
ଏହି ରିପୋର୍ଟ ଭିତ୍ତିଭୂମି ଏବଂ ପ୍ରକଳ୍ପ ମନିଟରିଂ ଡିଭିଜନ (ଆଇପିଏମଡି) ଦ୍ୱାରା ଜାରି କରାଯାଇଛି। ଏହି ବିଭାଗ ୧୫୦ କୋଟି କିମ୍ବା ତା’ଠାରୁ ଅଧିକ ମୂଲ୍ୟର କେନ୍ଦ୍ରର ପ୍ରକଳ୍ପଗୁଡିକ ଉପରେ ନଜର ରଖିଥାଏ।
ରିପୋର୍ଟରେ ଦର୍ଶାଯାଇଛି ଯେ ମୁନିରାବାଦ-ମହବୁବନଗର ରେଳ ପ୍ରକଳ୍ପ ହେଉଛି ସବୁଠାରୁ ଅଧିକ ଲମ୍ବିତ ପ୍ରକଳ୍ପ। ଏହି ପ୍ରକଳ୍ପ କାର୍ଯ୍ୟସୂଚୀ ୨୭୬ ମାସ ପଛୁଆ ଚାଲିଛି। ଏହା ବ୍ୟତୀତ ଉଦାମପୁର-ଶ୍ରୀନଗର ବାରାମୁଳା ରେଳ ପ୍ରକଳ୍ପ ୨୪୭ ମାସ ପଛରେ ଚାଲିଛି। ରିପୋର୍ଟ ଅନୁଯାୟୀ, ମୋଟ ୬୪୨ ଟି ପ୍ରକଳ୍ପ ସେମାନଙ୍କର ମୂଳ ଧାର୍ଯ୍ୟ ସମୟଠାରୁ ପଛରେ ରହିଛନ୍ତି।
