କର୍ଲାମୁଣ୍ଡା,୨୭।୮(ପ୍ରଦୀପ କୁମାର ସାହୁ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ଯୋରାଡବରା ରାଧା ମାଧବ ଯୁବକ ସଂଘ ପକ୍ଷରୁ ଗାଁର ପରିବେଶକୁ ସ୍ବଚ୍ଛ ଓ ସୁନ୍ଦର ରଖିବା ଲକ୍ଷ୍ୟରେ ଗୁରୁବାର ସଫେଇ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଯୁବକ ସଂଘର ସଦସ୍ୟମାନେ ସୁରେଶ୍ୱର ଶିବ ମନ୍ଦିର ପରିସର ସଫେଇ କରିବା ସହ ଗାଁର ରାସ୍ତାଘାଟକୁ ମଧ୍ୟ ସଫା କରିଥିଲେ।
ଏହି ସଫେଇ କାର୍ଯ୍ୟକ୍ରମରେ ସଂଘର ସଭାପତି ଚିନ୍ମୟ ସାହୁ, ସମ୍ପାଦକ ମଧୁସୁଦନ ସାହୁ ଓ କୋଷାଧ୍ୟକ୍ଷ ପ୍ରଶାନ୍ତ ସାହୁଙ୍କ ସମେତ ଚୈତନ୍ୟ ସାହୁ, ଜୟଦେବ ସାହୁ, ଛାୟାକାନ୍ତ ସାହୁ, ଦେବେନ୍ଦ୍ର ସାହୁ ତେଜରାଜ ସାହୁ ଡମ୍ବରୁ ସାହୁ , ଜୟଦେବ ଭୋଇ, ହୁମେସ ଭୋଇ, ରାହୁଲ ନାଏକ ପ୍ରମୁଖ ଯୋଗଦେଇଥିଲେ। ଗାଁରେ ସ୍ବଚ୍ଛତା ସଚେତନତା ସୃଷ୍ଟି କରିବା ସହ ପରିବେଶକୁ ପରିଷ୍କାର ରଖିବା ପାଇଁ ଯୁବକମାନଙ୍କ ଏଭଳି ପ୍ରୟାସକୁ ଗ୍ରାମବାସୀ ପ୍ରଶଂସା କରିଛନ୍ତି।