ଆବୁଧାବି,୩।୧୧: ଗୋଟିଏ ବର୍ଷରେ ଅନ୍ତର୍ଜାତୀୟ ଟି୨୦ରେ ସର୍ବାଧିକ ରନ୍ କରିବାର ରେକର୍ଡ ଠାରୁ ହାତେ ଦୂରରେ ଅଛନ୍ତି ପାକିସ୍ତାନ ଓପନର ମହମ୍ମଦ ରିଜଓ୍ବାନ। ଚମତ୍କାର ଫର୍ମରେ ଥିବା ରିଜଓ୍ବାନ ଏପର୍ଯ୍ୟନ୍ତ ୨୦୨୧ରେ ୧୬୬୧ ରନ୍ କରିସାରିଛନ୍ତି। ତେବେ ଗୋଟିଏ ବର୍ଷ ଅନ୍ତର୍ଜାତୀୟ ଟି୨୦ରେ ସର୍ବାଧିକ ରନ୍ କରିବାର ରେକର୍ଡ ଏବେ କ୍ରିସ ଗେଲ୍ଙ୍କ ନାମରେ ଅଛି। ସେ ୨୦୧୫ରେ ୧୬୬୫ ରନ୍ କରିଥିଲେ। ଏହି ରେକର୍ଡ ହାତେଇବା ପାଇଁ ରିଜଓ୍ବାନଙ୍କୁ ମାତ୍ର ୫ ରନ୍ ଆବଶ୍ୟକ ଥିବା ବେଳେ ଚଳିତ ବିଶ୍ୱକପ୍ରେ ପାକିସ୍ତାନକୁ ଅତିକମ୍ରେ ଦୁଇଟି ମ୍ୟାଚ୍ ଖେଳିବାର ଅଛି।
ବର୍ଷକୁ ସର୍ବାଧିକ ରନ୍ କରିଥିବା ବ୍ୟାଟରଙ୍କ ତାଲିକାରେ ଭାରତୀୟ ଅଧିନାୟକ ବିରାଟ କୋହଲି ମଧ୍ୟ ଅଛନ୍ତି। ସେ ୨୦୧୬ରେ ୧୬୧୪ ରନ୍ କରିଥିଲେ। ତାଙ୍କ ପଛକୁ ରହିଛନ୍ତି ପାକିସ୍ତାନ ଅଧିନାୟକ ବାବର ଆଜମ (୨୦୧୯ରେ ୧୬୦୭ ରନ୍)।
