ଲସ୍ ଏଞ୍ଜେଲ୍ସ, ୧୦।୧୧: ୬୭ତମ ଗ୍ରାମୀ ଆଓ୍ବାଡର୍ସ ପାଇଁ ଭାରତୀୟ ଆମେରିକୀୟ ସଙ୍ଗୀତଜ୍ଞ ରିକି କେଜ୍ ଓ ବ୍ରିଟିଶ ଭାରତୀୟ ସଙ୍ଗୀତଜ୍ଞ ଅନୁଷ୍କା ଶଙ୍କରଙ୍କୁ ମନୋନୀତ କରାଯାଇଛି। ପୂର୍ବରୁ ୩ ଥର ଗ୍ରାମୀ ପୁରସ୍କାର ବିଜେତା କେଜ୍ଙ୍କୁ ଚଳିତଥର ଚତୁର୍ଥ ଥର ପାଇଁ ତାଙ୍କ ଆଲ୍ବମ ‘ବ୍ରେକ୍ ଅଫ୍ ଡାଉନ୍’ ପାଇଁ ମନୋନୀତ କରାଯାଇଛି। ‘ଆମ୍ବିଏଣ୍ଟ’ ଓ ‘ଚାଣ୍ଟ ଆଲ୍ବମ’ ଶ୍ରେଣୀରେ କେଜ୍ଙ୍କ ‘ବ୍ରେକ୍ ଅଫ୍ ଡାଉନ୍ ଆମ୍ବିଏଣ୍ଟ’କୁ ମନୋନୀତ କରାଯାଇଛି। ସେହିପରି ‘ଚାପ୍ଟର ୨: ହାଓ ଡାର୍କ ଇଟ୍ ଇଜ୍ ବିଫୋର ଡନ୍’ ଆଲବମ ପାଇଁ ସିତାର ବାଦକ ତଥା ସଙ୍ଗୀତଜ୍ଞ ଅନୁଷ୍କା ଶଙ୍କରଙ୍କୁ ମନୋନୀତ କରାଯାଇଛି। ସେହିପରି ପ୍ରସିଦ୍ଧ ବ୍ରିଟିଶ୍ ସଙ୍ଗୀତଜ୍ଞ ଜାକବ କୋଲିୟରଙ୍କ ଗୀତ ‘ଏ ରକ୍ ସମ୍ ହୋୟାର’ରେ ନିଜର ବିଶେଷ ଭୂମିକା ପାଇଁ ଅନୁଷ୍କା ଅତିରିକ୍ତ ଭାବେ ମନୋନୀତ ହୋଇଛନ୍ତି। କେଜ୍ ପୂର୍ବରୁ ୨୦୧୫, ୨୦୨୨ ଓ ୨୦୨୩ରେ ଗ୍ରାମୀ ପୁରସ୍କାର ଗ୍ରହଣ କରିଥିଲେ। ପ୍ରକାଶ ଯେ, ୬୭ତମ ଗ୍ରାମୀ ଆଓ୍ବାଡର୍ସ ଆସନ୍ତା ବର୍ଷ ଫେବୃଆରୀ ୨ରେ ଆମେରିକାର ଲସ୍ ଏଞ୍ଜେଲ୍ସରେ ଅନୁଷ୍ଠିତ ହେବ।
