ନୂଆଦିଲ୍ଲୀ: ନିକଟରେ ଭାରତ ଗସ୍ତରେ ଆସିଥିବା ୟୁଏଇ ରାଷ୍ଟ୍ରପତି ଶେଖ ମହମ୍ମଦ ବିନ ଜାଏଦ ଅଲ ନାହିୟାନ ପୁଣି ଥରେ ଚର୍ଚ୍ଚାର ବିଷୟ ପାଲଟିଛନ୍ତି। ତାଙ୍କ ପରିବାର ହେଉଛି ବିଶ୍ୱର ସବୁଠାରୁ ଧନୀ ପରିବାର। ଲୋକମାନେ ସେମାନଙ୍କର ନେଟ ମୂଲ୍ୟ ଜାଣି ଆଶ୍ଚର୍ଯ୍ୟ ହୋଇଗଲେ। ବ୍ଲୁମବର୍ଗ ନାହିୟାନଙ୍କ ପରିବାରକୁ ୨୦୨୩ ବିଶ୍ୱର ଧନୀ ପରିବାର ତାଲିକାରେ ପ୍ରଥମ ସ୍ଥାନ ଦେଇଥିଲା। ଶେଖ ମହମ୍ମଦ ହେଉଛନ୍ତି ୧୭ ତମ ଏମିର ବା ଆବୁଧାବିର ଶାସକ।
ଗଣମାଧ୍ୟମ ରିପୋର୍ଟ ଅନୁଯାୟୀ, ଦୁବାଇର ଅଲ ନାହିୟାନ ରାଜ ପରିବାରର ୪,୦୭୮କୋଟି ଟଙ୍କା ମୂଲ୍ୟର ରାଷ୍ଟ୍ରପତି ମହଲ ଅଛି, ଯାହା ତିନୋଟି ପେଣ୍ଟାଗନ ଆକାର ସହିତ ସମାନ। ଏହା ସହିତ, ୮ଟି ଘରୋଇ ଜେଟ ଏବଂ ଏକ ଲୋକପ୍ରିୟ ଫୁଟବଲ କ୍ଲବ, ଦୁନିଆର ସବୁଠାରୁ ଧନୀ କ୍ଲବ ରହିଛି।
ନ୍ୟୁଜ ୱେବସାଇଟ GQ ଅନୁଯାୟୀ, ଏହି ପରିବାର ସଂଯୁକ୍ତ ରାଷ୍ଟ୍ରର ଏଭଳି ଅନେକ ପ୍ରାସାଦ ମଧ୍ୟରୁ ବୃହତ୍ତମ ଆବୁଧାବିରେ ଥିବା କସର୍ ଅଲ-ୱତନ ରାଷ୍ଟ୍ରପତି ଭବନରେ ରୁହନ୍ତି। ପ୍ରାୟ ୯୪ ଏକର ଉପରେ ବିସ୍ତାର ହୋଇଥିବା ଏହି ବିଶାଳ ପ୍ରାସାଦରେ ୩୫୦,୦୦୦ କ୍ରିଷ୍ଟାଲ ବା ସ୍ଫଟିକରେ ନିର୍ମିତ ଏକ ଝୁମର ରହିଛି ଏବଂ ଅମୂଲ୍ୟ ଐତିହାସିକ କଳାକୃତି ମଧ୍ୟ ରହିଛି ।
ସଂଯୁକ୍ତ ଆରବ ଏମିରେଟ୍ସର ରାଷ୍ଟ୍ରପତି ଶେଖ ମହମ୍ମଦ ବିନ ଜାଏଦ ଅଲ ନାହିୟାନ, ଯିଏକି ଏମବିଜେଡ ନାମରେ ଜଣାଶୁଣା, ସେ ପରିବାରର ମୁଖ୍ୟ ଏବଂ ତାଙ୍କର ୧୮ ଭାଇ ଏବଂ ୧୧ ଭଉଣୀ ଅଛନ୍ତି। ଏମିରେଟ ରାଜଙ୍କର ମଧ୍ୟ ୯ ସନ୍ତାନ ଏବଂ ୧୮ ନାତୁଣି-ନାତି ଅଛନ୍ତି।
ଆବୁଧାବି ଶାସକଙ୍କ ସାନଭାଇ ଶେଖ ହମଦ ବିନ ହମଦାନ ଅଲ ନାହିୟାନଙ୍କ ପାଖରେ ୭୦୦ରୁ ଅଧିକ କାରର କଲେକଶନ ରହିଛି, ଯେଉଁଥିରେ ବିଶ୍ୱର ସର୍ବ ବୃହତ ଏସୟୁଭି, ୫ଟି ବୁଗାଟୀ ଭେଂରନ, ଲମ୍ବୋର୍ଗିନି ରେଭେଣ୍ଟନ, ମର୍ସିଡିଜ-ବେଞ୍ଜ CLK GTR, ଫେରାରୀ 599XX ଏବଂ ଏକ ମ୍ୟାକଲେରେନ MC12 ଅନ୍ତର୍ଭୂକ୍ତ ଅଛି।
ଏହି ପରିବାରର ବିଶ୍ୱର ତୈଳ ଭଣ୍ଡାରର ପ୍ରାୟ ୬ପ୍ରତିଶତ, ମଞ୍ଚେଷ୍ଟର ସିଟି ଫୁଟବଲ କ୍ଲବର ମାଲିକ ଏବଂ ଅନେକ ଜଣାଶୁଣା କମ୍ପାନୀରେ ଅଂଶୀଦାର ଅଛି। ଗାୟକ ରିହାନାର ବିୟୁଟି ବ୍ରାଣ୍ଡ ଫେଣ୍ଟି ଠାରୁ ଆରମ୍ଭ କରି ଏଲୋନ ମସ୍କର ସ୍ପେସ ଏକ୍ସ ପର୍ଯ୍ୟନ୍ତ ତାଙ୍କର ଶେୟାର ଅଛି। ରାଷ୍ଟ୍ରପତିଙ୍କ ଭାଇ ତହନୁନ ବିନ ଜାଏଦ ଅଲ ନାହିୟାନ ପରିବାରର ମୁଖ୍ୟ ବିନିଯୋଗ କମ୍ପାନୀକୁ ପରିଚାଳନା କରନ୍ତି, ଯାହାର ମୂଲ୍ୟ ଗତ ୫ ବର୍ଷ ମଧ୍ୟରେ ପ୍ରାୟ ୨୮,୦୦୦ ପ୍ରତିଶତ ବୃଦ୍ଧି ପାଇଛି।
କମ୍ପାନୀର ମୂଲ୍ୟ ବର୍ତ୍ତମାନ ୨୩୫ବିଲିୟନ ଡ଼ଲାର ଅଟେ। ୟୁଏଇ ବ୍ୟତୀତ ଦୁବାଇର ରାଜ ପରିବାର ପ୍ୟାରିସ ଏବଂ ଲଣ୍ଡନ ସମେତ ବିଶ୍ୱର ଅନେକ ସ୍ଥାନରେ ବିଳାସପୂର୍ଣ୍ଣ ସମ୍ପତ୍ତିର ମାଲିକ ଅଟନ୍ତ। ଲଣ୍ଡନର ସବୁଠାରୁ ଧନୀ ଜମି ମାଲିକଙ୍କ ମଧ୍ୟରେ ଶେଖ ମହମ୍ମଦ ବିନ ଜାଏଦ ଅଲ ନାହିୟାନ ଗଣିତ ହୋଇଛନ୍ତି। ଲଣ୍ଡନରେ ଗୋଟିଏ କିମ୍ବା ଦୁଇଟି ନୁହେଁ ବରଂ ଅନେକ ଅଟ୍ଟାଳିକା ଅଛି ଯାହା ଶେଖଙ୍କ ନାମରେ କିଣାଯାଇଛି।
