ନୂଆଦିଲ୍ଲୀ,୧୩ା୧୧: ଅକ୍ଟୋବର ୨୦୨୩ ରେ ଚାରି ମାସର ସର୍ବନିମ୍ନ ସ୍ତରରେ ପହଞ୍ଚିଛି ଖୁଚୁରା ମୁଦ୍ରାସ୍ଫୀତି। ଜୁଲାଇ ୨୦୨୩ ପରେ କ୍ରମାଗତ ତୃତୀୟ ମାସ ପାଇଁ ଖୁଚୁରା ମୁଦ୍ରାସ୍ଫୀତି ହ୍ରାସ ପାଇଛି। ଖାଦ୍ୟ ସାମଗ୍ରୀର ମୂଲ୍ୟ ହ୍ରାସ ହେତୁ ଅକ୍ଟୋବର ୨୦୨୩ ରେ ଗ୍ରାହକ ମୂଲ୍ୟ ସୂଚକାଙ୍କ ୪.୮୭ ପ୍ରତିଶତକୁ ଖସି ଆସିଛି, ଯାହା ସେପ୍ଟେମ୍ବର ମାସରେ ୫.୦୨ ପ୍ରତିଶତ ଥିଲା। ଏହାପୂର୍ବରୁ ଅଗଷ୍ଟ ମାସରେ ଖୁଚୁରା ମୁଦ୍ରାସ୍ଫୀତି ୬.୮୩ ପ୍ରତିଶତରେ ଏବଂ ଜୁଲାଇ ମାସରେ ୧୫ ମାସର ଉଚ୍ଚତାରେ ୭.୪୪ ପ୍ରତିଶତ ରହିଥିଲା। ଗତ ବର୍ଷ, ଅକ୍ଟୋବର ୨୦୨୨ ରେ ଖୁଚୁରା ମୁଦ୍ରାସ୍ଫୀତି ହାର ୬.୭୭ ପ୍ରତିଶତ ଥିଲା।
ଅର୍ଥ ମନ୍ତ୍ରାଳାୟ ପକ୍ଷରୁ ସୋମବାର ଖୁଚୁରା ମୁଦ୍ରାସ୍ପିତି ତଥ୍ୟ ଜାରି କରାଯାଇଛି। ଏହି ତଥ୍ୟ ଅନୁଯାୟୀ ଖାଦ୍ୟ ମୁଦ୍ରାସ୍ପିତିରେ ସାମାନ୍ୟ ହ୍ରାସ ପାଇଛି। ଅକ୍ଟୋବର ମାସରେ ଖାଦ୍ୟ ମାହାଙ୍ଗା ହାର ୫.୬୧ ପ୍ରତିଶତ ରହିଛି, ଯାହା ସେପ୍ଟେମ୍ବର ମାସରେ ୬.୬୨ ପ୍ରତିଶତ ରହିଥିଲା। ଯେତେବେଳେ କି ୨୦୨୨ ଅକ୍ଟୋବରରେ ଏହା ୭.୦୧ ଥିଲା। ଅକ୍ଟୋବର ମାସରେ ଗ୍ରାମୀଣ ଅଞ୍ଚଳରେ ଖୁଚୁରା ମହଙ୍ଗା ହାର ୫.୧୨ ପ୍ରତିଶତ ଥିଲା ଏବଂ ଖାଦ୍ୟ ମହଙ୍ଗା ହାର ୬.୭୧ ପ୍ରତିଶତ ଥିଲା। ଯେତେବେଳେ ସହରୀ ଅଞ୍ଚଳରେ ଏହା ୪.୬୨ ପ୍ରତିଶତ ଥିଲା ଏବଂ ଖାଦ୍ୟ ମହଙ୍ଗା ହାର ୬.୩୫ ପ୍ରତିଶତ ଥିଲା। ଅର୍ଥାତ ଉଭୟ କ୍ଷେତ୍ରରେ ଗ୍ରାମୀଣ ଅଞ୍ଚଳରେ ଅଧିକ ରହିଥିଲା।
