ରାୟଗଡ଼/ଗଜପତି(ଡି.ଏନ୍.ଏ.),୧୭।୯: ଗଜପତି ଜିଲା ରାୟଗଡ ଥାନା ଅନ୍ତର୍ଗତ ଜିରାଙ୍ଗ ହାଟରେ ଶୁକ୍ରବାର ଅଘଟଣ ଘଟିଛି। ଜନଗହଳି ପୂର୍ଣ୍ଣ ହାଟରେ ଜଣେ ଯୁବକଙ୍କୁ ଛୁରାମାଡ଼ ହୋଇଛି। ଗୁରୁତର ଅବସ୍ଥାରେ ଆହତ ଯୁବକଙ୍କୁ ଚିକିତ୍ସା ପାଇଁ ପାରଳାଖେମୁଣ୍ଡି ମୂଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ତାଙ୍କର ମୃତ୍ୟୁ ଘଟିଛି। ମୃତକ ହେଉଛନ୍ତି ରାସିବାଡଡ଼ ଗ୍ରାମର ରଞ୍ଜିତ ଦାଣ୍ଡିଆ। ପୋଲିସ ଆକ୍ରମଣକାରୀ ବାପୁନୀ ଆଚାରୀକୁ କାବୁ କରିଛି। ସେ ବ୍ରହ୍ମପୁର ଅଞ୍ଚଳର ହୋଇଥିବା ସୁଚନା ମିଳିଛି। ତେବେ ପ୍ରେମ ବ୍ୟାପାରକୁ ନେଇ ଏହି ହତ୍ୟା କରାଯାଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ପୋଲିସ ଆକ୍ରମଣକାରୀକୁ ଅଟକ ରଖି ପଚରାଉଚରା ଜାରି ରଖିଛି। ଆକ୍ରମଣକାରୀ ବିବାହ ପୂର୍ବରୁ ରଞ୍ଜିତଙ୍କ ସ୍ତ୍ରୀ ସୁଚିତ୍ରା ଦଣ୍ଡିଆକୁ ପ୍ରେମ ନିବେଦନ କରି ଆସୁଥିଲେ। କିନ୍ତୁ ପରବର୍ତ୍ତୀ ସମୟରେ ରଞ୍ଜିତଙ୍କ ସହ ସୁଚିତ୍ରାଙ୍କ ବିବାହ ହୋଇଥିଲା। ଇତି ମଧ୍ୟରେ ଆକ୍ରମଣକାରୀ ସୁଚିତ୍ରାଙ୍କୁ ହଇରାଣ ହରକତ କରୁଥିଲେ। ଶୁକ୍ରବାର ସେ ସ୍ବାମୀଙ୍କ ସହ ଜିରାଙ୍ଗ ହାଟକୁ ଆସିଥିବା ସମୟରେ ଅତର୍କିତ ଆକ୍ରମଣ କରି ରଞ୍ଜିତକୁ ଛୁରାରେ ଆକ୍ରମଣ କରିଥିବା ତାଙ୍କ ସ୍ତ୍ରୀ କହିଛନ୍ତି।
