ମୁମ୍ବାଇ: ବଲିଉଡ୍ ମୁଭି ‘ହମ୍ ଆପକେ ହୈ କୌନ’ରେ ସଲମାନ ଖାଁଙ୍କ ଭାଉଜ ଭୂମିକାରେ ନଜର ଆସିଥିବା ରେଣୁକା ସାହାଣେ ଦର୍ଶକଙ୍କ ନିକଟରେ ବେଶ୍ ପରିଚିତ । ୨୦୦୯ରେ ଏହି ଅଭିନେତ୍ରୀ ନିର୍ଦ୍ଦେଶନା ଦୁନିଆରେ ପାଦ ରଖିଥିଲେ । ଏବେ ସେ ନିର୍ଦ୍ଦେଶିକ ଭାବେ ତାଙ୍କର ତୃତୀୟ ଫିଲ୍ମ ନିର୍ମାଣ କରିବାକୁ ଯାଉଥିବା କଥା କହିଛନ୍ତି । ତେବେ ସେ ତୃତୀୟ ଫିଲ୍ମ ଭାବେ ଡାର୍କ କମେଡି ନିର୍ଦ୍ଦେଶନା ପାଇଁ ଯୋଜନା କରୁଥିବା ପ୍ରକାଶ କରିଛନ୍ତି । ସେ ତାଙ୍କ ମା’ଙ୍କ ଉପନ୍ୟାସ ‘ରିତା ୱେଲେଂଗକର’ ଉପରେ ଆଧାରିତ ‘ରି୍ତା’ରୁୁ ୨୦୦୯ମସିହାରେ ନିର୍ଦ୍ଦେଶନା ଦୁନିଆରେ ପାଦ ରଖିଥିଲେ । ନିର୍ଦ୍ଦେଶିକା ଭାବେ ଦ୍ୱିତୀୟ ଫିଲ୍ମ ତ୍ରିଭଙ୍ଗା: ତେଢି ମେଢି କ୍ରେଜି ପାଇଁ ସେ କାମ କରିଥିଲେ । ଯାହା ନେଟଫ୍ଲିକ୍ସରେ ରିଲିଜ ହୋଇଥିଲା । ଏବେ ସେ କହିଛନ୍ତି ନିର୍ଦ୍ଦେଶନା ଜାରି ରଖିବା ସହ ପଟ୍ଟକଥା ଉପରେ କାମ କରୁଛନ୍ତି । ମୋତେ କମେଡି ପସନ୍ଦ ଥିବାରୁ ମୋର ଆଗାମୀ ପ୍ରୋଜେକ୍ଟ ଡାର୍କ କମେଡି ହେବ ବୋଲି ରେଣୁକା କହିଛନ୍ତି । ପିଲାଦିନରୁ ମାତାପିତା ଅଲଗା ହୋଇ ଯାଇଥିବାରୁ ଏହାର ପ୍ରଭାବ ତାଙ୍କ ଉପରେ ଖୁବ୍ ପଡିଥିଲା ବୋଲି ନିକଟରେ ସେ ଏକ ସାକ୍ଷାତ୍କାରରେ ପ୍ରକାଶ କହିଥିଲେ । ଏବେ କିନ୍ତୁ ସେ ସଫଳ ବୋଲି ମନେ କରନ୍ତି ।
