ନିୟମିତ ଗ୍ରୀନ ଟି ପିଇବା ସ୍ୱାସ୍ଥ୍ୟପକ୍ଷେ ଲାଭଦାୟକ ବୋଲି କୁହାଯାଏ । ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବା କଥା ହେଲା ନିୟମିତ ଗ୍ରୀନ ଟି ପଇଲେ ଏହା ମନ, ହୃଦୟ ଓ ସମ୍ପୂର୍ଣ୍ଣ ଶରୀର ଉପରେ ଭଲ ପ୍ରଭାବ ପକାଇଥାଏ । ଏହା ଆଣ୍ଟିଅକ୍ସିଡାଣ୍ଟରେ ଭରପୂର । ଏହାକୁ ନିୟମିତ ସେବନ କରିବା ଦ୍ୱାରା ଶରୀରର ଓଜନ କମ୍ ହୋଇଥାଏ ବୋଲି କେତେକ ଦାବି କରନ୍ତି । ତେଣୁ ଗ୍ରୀନ ଟି ଏବେ ବିଶ୍ୱରେ ଏକ ଭଲ ପାନୀୟ ଭାବେ ତା’ର ସ୍ୱତନ୍ତ୍ର ପରିଚୟ ସୃଷ୍ଟି କରିଛି । ଏହା ବ୍ଲଡ ସୁଗାର କଣ୍ଟ୍ରୋଲ କରିବାରେ ମଧ୍ୟ ସାହାଯ୍ୟ କରିଥାଏ । ଏହା ପାଚନ ଏନଜାଇମରେ ବାଧା ସୃଷ୍ଟି କରିଥାଏ । ଯାହା ରକ୍ତ ପ୍ରବାହରେ ଶର୍କରା କ୍ଷରଣକୁ କମ୍ କରିଦେଇଥାଏ । ତେଣୁ ମଧୁମେହ ରୋଗୀଙ୍କ ପାଇଁ ଗ୍ରୀନ ଟି ଲାଭଦାୟକ । ଗ୍ରୀନ ଟି ପିଇବା ଦ୍ୱାରା ମାନସିକ ସ୍ତରରେ ମଧ୍ୟ କିଛିଟା ପରିବର୍ତ୍ତନ ଆସିଥାଏ । ଏଥିରେ ଥିବା ଲେଥିନେନ ମନ ପରିବର୍ତ୍ତନ କରିବାରେ ସାହାଯ୍ୟ କରିଥାଏ । ଗ୍ରୀନ ଟିରେ ଥିବା କିଛି ତତ୍ତ୍ୱ ମସ୍ତିସ୍କକୁ ସୁସ୍ଥ ରଖିବାରେ ସହାୟକ ହୋଇଥାଏ । ୨୧ ପ୍ରକାର ଭିନ୍ନ ଭିନ୍ନ ଗବେଷଣାରୁ ଜଣାପଡିଛି କି ଗ୍ରୀନ ଟି ପିଇବା ଦ୍ୱାରା ସ୍ମୃତି ଶକ୍ତି ବୃଦ୍ଧି ହୋଇଥାଏ ।
