ଭୁବନେଶ୍ୱର,୭।୧୨: ରାଜ୍ୟର ପ୍ରମୁଖ ଘରୋଇ ଚିକିତ୍ସାଳୟ କେୟାର ମଲ୍ଟି ସ୍ପେଶିଆଲିଟି ହସ୍ପିଟାଲ ଭୁବନେଶ୍ୱରକୁ ନିକଟରେ ଆଉ ୨ଟି ଜାତୀୟସ୍ତରର ସମ୍ମାନ ଓ ସଫଳତା ମିଳିଛି। ଏପରିକି ଦୀର୍ଘଦିନ ଧରି ଓଡ଼ିଶାବାସୀଙ୍କୁ ସୁଲଭ ମୂଲ୍ୟରେ ଉନ୍ନତମାନର ସ୍ବାସ୍ଥ୍ୟସେବା ଯୋଗାଇଦେଇ ଆସୁଛି। ସେହିଭଳି ଉନ୍ନତମାନର ସ୍ବାସ୍ଥ୍ୟସେବା ପ୍ରଦାନ ପାଇଁ କେୟାର ମଲ୍ଟି ସ୍ପେଶିଆଲିଟି ହସ୍ପିଟାଲକୁ ଇକୋନୋମିକ୍ ଟାଇମ୍ସ ପକ୍ଷରୁ ‘ଇକୋନୋମିକ୍ ଟାଇମ୍ସ ଆୱାର୍ଡ-୨୦୨୨’ ଏବଂ ଇଣ୍ଡିଆନ୍ ଚାମ୍ବର୍ସ ଅଫ୍ କମର୍ସ ପକ୍ଷରୁ ‘ହେଲ୍ଥ କେୟାର ଏକ୍ସିଲେନ୍ସ ଆୱାର୍ଡ-୨୦୨୨’ ଭଳି ଜାତୀୟ ସ୍ତରର ସମ୍ମାନ ପ୍ରଦାନ କରାଯାଇଛି। ବିଶେଷକରି ସ୍ବାସ୍ଥ୍ୟସେବା କ୍ଷେତ୍ରରେ ଉନ୍ନତମାନର ସେବା ଯୋଗାଉଥିବା ବିଭିନ୍ନ ହସ୍ପିଟାଲକୁ ଉକ୍ତ କାର୍ଯ୍ୟକ୍ରମରେ ସାମିଲ କରାଯାଇଥିଲା, ଯେଉଁଠାରେ କେୟାର ହସ୍ପିଟାଲ ଭୁବନେଶ୍ୱରକୁ ପୂର୍ବଭାରତର ଶ୍ରେଷ୍ଠ ମଲ୍ଟି ସ୍ପେଶିଆଲିଟି ହସ୍ପିଟାଲ ଭାବେ ସମ୍ମାନିତ କରାଯାଇଛି।
ଏ ସମ୍ପର୍କରେ କେୟାର ହସ୍ପିଟାଲ ଭୁବନେଶ୍ୱରର ଏଚ୍ସିଓଓ କିଶଲେୟ ଆନନ୍ଦ କହିଛନ୍ତି, ଏହି ସଫଳତାର ଶ୍ରେୟ ରୋଗୀ ସେବା କ୍ଷେତ୍ରରେ ନିରନ୍ତର କାର୍ଯ୍ୟ କରୁଥିବା ଆମର ସମସ୍ତ ଡାକ୍ତର, ନର୍ସ ଓ କର୍ମଚାରୀଙ୍କୁ ଯାଉଛି। ଏପରିକି ଆମର ପାରଦର୍ଶିତାକୁ ସ୍ବୀକାର କରିଥିବାରୁ ଇକୋନୋମିକ୍ ଟାଇମ୍ସ ଓ ଇଣ୍ଡିଆନ୍ ଚାମ୍ବର୍ସ ଅଫ୍ କମର୍ସକୁ ଆମେ ଧନ୍ୟବାଦ ଜଣାଉଛି। ସେହିଭଳି କେୟାର ହସ୍ପିଟାଲର ଏଭିପି ଡା. ଲୋକନାଥ ଦାଶ କହିଛନ୍ତି, କେୟାର ହସ୍ପିଟାଲ ସବୁବେଳେ ରୋଗୀ ସେବାକୁ ପ୍ରାଥମିକତା ଦେଇଥାଏ। ଫଳରେ ସ୍ବାସ୍ଥ୍ୟସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ହସ୍ପିଟାଲକୁ ୨ଟି ସମ୍ମାନ ନିଶ୍ଚିତ ଭାବେ ଆମକୁ ଆହୁରି ଭଲ କାମ କରିବା ପାଇଁ ପ୍ରେରଣା ଦେବ ବୋଲି ସେ ମତପ୍ରକାଶ କରିଛନ୍ତି।
