ବାଙ୍ଗାଲୋର, ୧୧।୩ – ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ଅଷ୍ଟ୍ରେଲିଆର ଉଇକେଟକିପର ବ୍ୟାଟ୍ସମ୍ୟାନ ଜୋଶ ଫିଲିପ୍ଙ୍କୁ ବାଦ୍ ଦେଇଛି। ଗତ ସଂସ୍କରଣରେ ଆରସିବି ପାଇଁ ଓପନିଂ କରିଥିବା ଏହି ବିଦେଶୀ ଖେଳାଳି ଚଳିତ ଥର ପୂରା ସିଜନ ଲାଗି ଉପଲବ୍ଧ ହେବେ ନାହିଁ। ତାଙ୍କ ବଦଳରେ ନ୍ୟୁଜିଲାଣ୍ଡର ଉଇକେଟକିପର ବ୍ୟାଟ୍ସମ୍ୟାନ ଫିନ୍ନ ଆଲେନଙ୍କୁ ବାଛିଛି ଆରସିବି। ଏ ନେଇ ଆରସିବି ଫ୍ରାଞ୍ଚାଇଜ ତା’ର ଟୁଇଟର ହ୍ୟାଣ୍ଡେଲରେ ସୂଚନା ଦେଇଛି।
ଫିଲିପଙ୍କ ଭଳି ଆଲେନଙ୍କୁ ମଧ୍ୟ ୨୦ ଲକ୍ଷ ଟଙ୍କାର ବେସ୍ ପ୍ରାଇସରେ ଦଳରେ ସାମିଲ କରାଯାଇଛି। ଏପର୍ଯ୍ୟନ୍ତ ମାତ୍ର ୧୨ ପ୍ରଥମ ଶ୍ରେଣୀ ମ୍ୟାଚ୍ ଖେଳିଥିବା ଆଲେନଙ୍କ ନାମରେ ରହିଛି ୩ ଅର୍ଦ୍ଧଶତକ। ତେବେ ସେ କାହିଁକି ଉପଲବ୍ଧ ହୋଇପାରିବେ ନାହିଁ, ତାହା ସ୍ପଷ୍ଟ କରାଯାଇ ନାହିଁ। ନିକଟରେ ଶେଷ ହୋଇଥିବା ନ୍ୟୁଜିଲାଣ୍ଡ ବିପକ୍ଷ ୫ ମ୍ୟାଚ୍ ବିଶିଷ୍ଟ ଟି୨୦ ସିରିଜ୍ରେ ସେ ଦୁଇ ଥର ୪୦ରୁ ଅଧିକ ରନ୍ କରିଥିଲେ।
