ଗୋଟିଏ ପଟେ ଆଇପିଏଲ୍ ୨୦୨୧ କୁ ନେଇ ଲୋକଙ୍କ ମଧ୍ୟରେ ଉତ୍ସୁକତା ଭରିରହିଥିବା ବେଳେ ଅନ୍ୟପଟେ ବଲିଉଡ୍ କଳାକାରମାନେ ନିଜର ଫିଲ୍ମ ମାଧ୍ୟମରେ ପ୍ରଶଂସକଙ୍କ ମନୋରଞ୍ଜନ କରୁଛନ୍ତି। ତେବେ ଯେତେବେଳେ ବଲିଉଡ୍ କଳାକାର ଏବଂ କ୍ରିକେଟର ଏକାସହ ମିଶିଯାଉଛନ୍ତି କମାଲ କରୁଛନ୍ତି ନିଶ୍ଚୟ। ନିକଟରେ ଏମିତି କିଛି ଦେଖିବାକୁ ମିଳିଛି ବଲିଉଡ୍ର ବାଜିରାଓ ରଣବୀର ସିଂହ ଏବଂ ଭାରତର ପୂର୍ବତନ ଖେଳାଳି ଭିଭିଏସ୍ ଲକ୍ଷଣଙ୍କ ସହ।
ରଣବୀର ସୋସିଆଲ ମିଡିଆରେ ନିଜର ଏକ ଫଟୋ ଶେୟାର କରିଛନ୍ତି, ଯେଉଁଥିରେ ତାଙ୍କୁ ଲକ୍ଷଣଙ୍କ ସହ ଦେଖିବାକୁ ମିଳୁଛି। ଲକ୍ଷଣ ଏବେ ଆଇପିଏଲ୍ରେ କମେଣ୍ଟ୍ରି କରିବାରେ ବ୍ୟସ୍ତ ଅଛନ୍ତି। ନିକଟରେ ଲକ୍ଷଣ ଏବଂ ରଣବୀର ଏକ ବିଜ୍ଞାପନ ଶୁଟିଂ ପାଇଁ ଏକାଠି ହୋଇଥିଲେ। ଏହାର ଫଟୋକୁ ରଣବୀର ନିଜର ଇନ୍ଷ୍ଟାଗ୍ରାମ୍ରେ ଶେୟାର କରିଛନ୍ତି। କ୍ୟାପଶନରେ ଲେଖିଛନ୍ତି, ବିଜ୍ଞାପନର ଶୁଟିଂ ଅବସରରେ ଏହି ଖେଳାଳିଙ୍କ ସହ ଭଲରେ କାମ କରିଛି। ଆପଣଙ୍କୁ ଆଇପିଏଲ୍ ପାଇଁ ଶୁଭେଚ୍ଛା ବୋଲି ସେ ଲେଖିଛନ୍ତି। ରଣବୀରଙ୍କ ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
