ଜମ୍ମୁ,୧୯ ।୮: ଜମ୍ମୁର ରାଜୌରୀରେ ସୁରଡକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ଚାଲିଛି । ଏଥିରେ ଜଣେ ଜୁନିୟର କମିଶନଡ ଅଫିସର ଶହୀଦ ହୋଇ ଯାଇଥିବା ସୂଚନା ମିଳିଛି । ସୂଚନାଯୋଗ୍ୟ, ଥାନାମଣ୍ଡି ଅଞ୍ଚଳରେ ଆତଙ୍କବାଦୀ ଲୁଚି ରହିଥିବା ସୂଚନା ମିଳିବା ପରେ ସୁରକ୍ଷାର୍କମୀ ସେମାନଙ୍କ ଟିମ୍ ସହ ଉକ୍ତ ଅଞ୍ଚଳରେ ଖୋଜିବା ଆରମ୍ଭ କରି ଦେଇଥିଲେ । ଏହାର ଜବାବରେ ଉଭୟ ମୁହାଁମୁହିଁ ହୋଇଥିଲେ । କୁହାଯାଉଛି ଯେ ସୁରକ୍ଷାକର୍ମୀ ଯେଉଁ ଅଞ୍ଚଳକୁ ଘେରି ରହିଛନ୍ତି ସେଠାରେ ୨ ଜଣ ଆତଙ୍କବାଦୀ ଲୁଚି ରହିଛନ୍ତି । ସେନା ପ୍ରବକ୍ତା ଲେପ୍ଟନାଣ୍ଟ କର୍ନଲ ଦେବେନ୍ଦ୍ର ଆନନ୍ଦ ସୂଚନା ଦେଇ କହିଛନ୍ତି ଥାନାମଣ୍ଡିରେ ଆତଙ୍କବାଦୀଙ୍କ ସହ ମୁହାଁମୁହିଁ ହେବା ସମୟରେ ରାଷ୍ଟ୍ରୀୟ ରାଇଫଲର ଜଣେ ଜେସିଓ(ଜୁନିୟର କମିଶନଡ ଅଫିସର)ଙ୍କ ଦେହରେ ଗୁଳି ବାଜିଥିଲା । ଏହାପରେ ଉକ୍ତ ଅଞ୍ଚଳରେ ସ୍ଥିିତି ଖରାପ ହୋଇପଡିଥିଲା । ତେବେ ଜେସିଓଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲେ ସୁଦ୍ଧା ସେଠାରେ ତାଙ୍କର ମୃତ୍ୟୁ ହୋଇଥିଲା ।
