ଚେନ୍ନାଇ,୩ ।୧୨: ସାଉଥ୍ ସୁପରଷ୍ଟାର ରଜନୀକାନ୍ତ ଡିସେମ୍ବର ୩୧ରେ ତାଙ୍କର ବହୁପ୍ରତିକ୍ଷିତ ରାଜନୈତିକ ଦଳର ଘୋଷଣା କରିବେ ବୋଲି କହିଛନ୍ତି । ଏହାସହ ବର୍ଷ ବର୍ଷ ଧରି ଚାଲିଥିବା ଆଲୋଚନାର ଅନ୍ତ ଘଟାଇ ଜାନୁୟାରୀରେ ପାର୍ଟି ଲଞ୍ଚ କରିବେ । ଏହି ଘୋଷଣା ସେ ନିଜ ମଞ୍ଚ ରଜନୀ ମକ୍କଲ ମଂନ୍ଦ୍ରମର ବରିଷ୍ଠ ପଦାଧିକାରୀଙ୍କ ସହ ସାକ୍ଷାତ୍ କରିବାର ଗୋଟିଏ ଦିନ ପରେ କରିଛନ୍ତି । ସେ କହିଛନ୍ତି ନିର୍ବାଚନ ରାଜନୀତି ସହ ଜଡିତ ନିଜ ଯୋଜନା ସମ୍ପର୍କରେ ଖୁବଶୀଘ୍ର ଘୋଷଣା କରିବେ । ରଜନୀକାନ୍ତ କହିଛନ୍ତି ନିର୍ବାଚନ ପରେ ସେ ଏମିତି ସରକାର ଗଠନ କରିବେ ଯାହା ଜାତି, ଧର୍ମ ଓ ସମ୍ପ୍ରଦାୟର ଉପରେ ରହି କାମ କରିବ । ସେ ତାଙ୍କ ସରକାର ଗଠନ କରି ରାଜ୍ୟର ରାଜନୈତିକ ଦୃଶ୍ୟପଟକୁ ସମ୍ପୂର୍ଣ୍ଣ ବଦଳାଇ ଦେବେ ବୋଲି କହିଛନ୍ତି । ତାଙ୍କ ସରକାର ସମସ୍ତଙ୍କ ଭଲ ପାଇଁ କାମ କରିବ । ରଜନୀକାନ୍ତ ଯାହା କୁହନ୍ତି ତାହା କରି ଦେଖାନ୍ତି । ଏଥିପାଇଁ ସେ ଜନସାଧାରଣଙ୍କ ସହଯୋଗ ଲୋଡିଛନ୍ତି ।
