ନୂଆଦିଲ୍ଲୀ,୨୧।୮: ଚଳିତ ଆଇପିଏଲ ସିଜନର ଅବଶିଷ୍ଟାଂଶ ମ୍ୟାଚ୍ରେ ଇଂଲଣ୍ଡ ଉଇକେଟ କିପର ବ୍ୟାଟ୍ସମ୍ୟାନ ଜୋସ ବଟଲର ଖେଳିବେ ନାହିଁ। ଏଥି ଲାଗି ରାଜସ୍ଥାନ ରୟାଲ୍ସ (ଆରଆର) ଫ୍ରାଞ୍ଚାଇଜ ପକ୍ଷରୁ ଶନିବାର ଘୋଷଣା କରାଯାଇଛି। ରାଜସ୍ଥାନ ଟିମ୍ ପାଇଁ ସବୁଠୁ ଗୁରୁତ୍ୱପୂର୍ଣ୍ଣ ଖେଳାଳି କୁହାଯାଉଥିବା ବଟଲରଙ୍କ ସ୍ତ୍ରୀ ଦ୍ୱିତୀୟ ସନ୍ତାନ ଜନ୍ମ ଦେବାକୁ ଯାଉଛନ୍ତି।
”ବଟଲର ଆଇପିଏଲର ବଳକା ମ୍ୟାଚ୍ରେ ଖେଳିବେ ନାହିଁ। ତାଙ୍କ ପତ୍ନୀ ଲୌସେ ଦ୍ୱିତୀୟ ଥର ମା’ ହେବାକୁ ଯାଉଛନ୍ତି। ସେମାନଙ୍କୁ ଆମେ ଶୁଭେଚ୍ଛା ଜାଣାଉଛୁ। ରୟାଲ ପରିବାର ତା’ର ନୂଆ ସଦସ୍ୟ ପାଇଁ ଅପେକ୍ଷା କରିପାରୁ ନାହୁଁ’ ବୋଲି ରାଜସ୍ଥାନ ଫ୍ରାଞ୍ଚାଇଜ ପକ୍ଷରୁ ଟୁଇଟ୍ କରାଯାଇଛି। ସଞ୍ଜୁ ସାମସନଙ୍କ ନେତୃତ୍ୱାଧୀନ ଦଳ ପାଇଁ ବେଶ୍ ଗୁରୁତ୍ୱପୂର୍ଣ୍ଣ ଥିଲେ ବଟଲର। ପଏଣ୍ଟ ତାଲିକାରେ ୫ମ ସ୍ଥାନରେ ଥିବା ରାଜସ୍ଥାନ ଲାଗି ୭ ମ୍ୟାଚ୍ରେ ଇଂଲିଶ ବ୍ୟାଟ୍ସମ୍ୟାନ ଏକ ଶତକ ସହ ୨୫୪ ରନ୍ କରିଥିଲେ।
