ଚେନ୍ନାଇ,୧୪।୪: ଟୁର୍ଣ୍ଣାମେଣ୍ଟର ପ୍ରାରମ୍ଭିକ ପର୍ଯ୍ୟାୟରେ ରାଜସ୍ଥାନ ରୟାଲ୍ସ ଏକ ବଡ଼ ଝଟ୍କା ଲାଗିଛି। ଦଳର ଷ୍ଟାର ଅଲରାଉଣ୍ଡର ବେନ ଷ୍ଟୋକ୍ସ ଆହାତ ଚଳିତ ସିଜିନରୁ ବାଦ ପଡିଛନ୍ତି। କିଙ୍ଗ୍ସ ଏକାଦଶ ପଞ୍ଜାବ ବିପକ୍ଷ ମ୍ୟାଚରେ ଆଙ୍ଗୁଠି ଭାଙ୍ଗି ଥିବାରୁ ତାଙ୍କୁ ଆଇପିଏଲର ୧୪ ତମ ସିଜିନରୁ ବାଦ ଦିଆଯାଇଛି। ସମ୍ପ୍ରତି ଷ୍ଟୋକ୍ସ ଭାରତରେ ରହିବେ ଏବଂ ଇଂଲଣ୍ଡ ମେଡିକାଲ ଦଳ ଏହାର ତଦାରଖ କରିବେ। ପଞ୍ଜାବ ବିପକ୍ଷ ମ୍ୟାଚରେ କ୍ରିସ ଗେଲଙ୍କ କ୍ୟାଚ୍ ଧରିବାକୁ ଉଦ୍ୟମ କରି ଷ୍ଟୋକ୍ସ ଆହତ ହୋଇଥିଲେ। କିଛି ସମୟ ପରେ ସେ ଯନ୍ତ୍ରଣାରେ ଛଟପଟ ହେଉଥିବା ଦେଖାଯାଇଥିଲା। ଆହତ ପରେ ସେ ମ୍ୟାଚ୍ରେ ଗୋଟିଏ ଓଭରରୁ ଅଧିକ ବୋଲିଂ ଏବଂ ବ୍ୟାଟିଂ ମଧ୍ୟ କରି ନ ଥିଲେ। ଏହି ମ୍ୟାଚ୍ରେ ତାଙ୍କ ଦଳ ରାଜସ୍ଥାନ ରୟାଲ୍ସ ୪ ରନ୍ରେ ହାରିଥିଲା।
