ନୂଆଦିଲ୍ଲୀ,୨୧।୭: କକ୍ରୋଚ ଜନତା ପାର୍ଟି (CJP) ର ପ୍ରତିନିଧୀ ଏବଂ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଜେ.ପି. ନଡ୍ଡାଙ୍କ ମଧ୍ୟରେ ସୋମବାର ଏକ ସାକ୍ଷାତ ହୋଇଛି। ସୂତ୍ରରୁ ଜଣାପଡିଛି ଯେ ଉଭୟଙ୍କ ମଧ୍ୟରେ ଦୁଇଟି ପର୍ଯ୍ୟାୟରେ ଆଲୋଚନା ହୋଇଥିଲା, କିନ୍ତୁ ସରକାରଙ୍କ ପକ୍ଷରୁ ପ୍ରଦର୍ଶନକାରୀମାନଙ୍କର କୌଣସି ଦାବି ଉପରେ କୌଣସି ଆଶ୍ୱାସନା ଦିଆଯାଇ ନାହିଁ। ତଥାପି, ଜେ.ପି. ନଡ୍ଡା ପ୍ରତିନିଧୀମାନଙ୍କୁ ଧାରଣା ସମାପ୍ତ କରି ସାଧାରଣ ଅବସ୍ଥା ଫେରାଇ ଆଣିବାକୁ କରିବାରେ ପ୍ରଶାସନକୁ ସହଯୋଗ କରିବାକୁ ଅନୁରୋଧ କରିଛନ୍ତି।
ସେପଟେ ସିଜେପି (CJP) ପ୍ରଦର୍ଶନ ସମୟରେ ଛାତ୍ରମାନଙ୍କୁ ଲାଠିଚାର୍ଜ କରାଯିବା ପ୍ରତିବାଦରେ ସାଂସଦ ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀ ପ୍ରଧାନମନ୍ତ୍ରୀଙ୍କ ବାସଭବନ ନିକଟରେ ଧାରଣାରେ ବସିଛନ୍ତି। ସେମାନେ ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବି କରିଛନ୍ତି।
ନିଟ୍ ପ୍ରଶ୍ନପତ୍ର ଲିକ ମାମଲାକୁ ନେଇ ଦେଶବ୍ୟାପୀ ଜାରି ରହିଥିବା ପ୍ରତିବାଦ ମଧ୍ୟରେ କଂଗ୍ରେସ ନେତା ତଥା ଲୋକ ସଭାର ବିରୋଧୀଦଳ ନେତା ରାହୁଲ ଗାନ୍ଧୀ କେନ୍ଦ୍ର ସରକାରଙ୍କୁ କଡ଼ା ସମାଲୋଚନା କରିଛନ୍ତି। ସେ କହିଛନ୍ତି ଯେ ଏହି ପ୍ରସଙ୍ଗ ଦେଶର ଯୁବବର୍ଗଙ୍କ ଭବିଷ୍ୟତ ସହିତ ଜଡ଼ିତ ଏବଂ ସରକାର ଏଥିପ୍ରତି ଗମ୍ଭୀରତା ଦେଖାଉ ନାହାନ୍ତି। ସେ କହିଛନ୍ତି, ‘ବାଚସ୍ପତି କହିଲେ ଯେ ସରକାରଙ୍କୁ ପଚାରିବାକୁ ପଡ଼ିବ। ପ୍ରସଙ୍ଗଟି ଯୁବବର୍ଗଙ୍କ ଭବିଷ୍ୟତର ଅଟେ। ଲୋକମାନଙ୍କୁ ମରାଯାଉଛି। ମୋଦି ଜୀ ଗତକାଲିର ଘଟଣା ପାଇଁ କ୍ଷମା ମଧ୍ୟ ମାଗି ନାହାନ୍ତି। ଏହି ଯୁବକମାନେ ଶିକ୍ଷା ବ୍ୟବସ୍ଥା ଏବଂ ପରୀକ୍ଷା ବ୍ୟବସ୍ଥା ବିରୋଧରେ ପ୍ରତିବାଦ କରୁଛନ୍ତି। ସମଗ୍ର ଦେଶ ଜାଣିଛି ଯେ ବ୍ୟବସ୍ଥା ବିଫଳ ହୋଇଯାଇଛି ଏବଂ ସେଥିରେ ଉଇ ଲାଗିଯାଇଛି।’