ଓ୍ବାଶିଂଟନ,୨।୬: କଂଗ୍ରେସ ନେତା ରାହୁଲ ଗାନ୍ଧୀ ଆମେରିକା ଗସ୍ତରେ ଅଛନ୍ତି, ଯେଉଁଠାରେ ସେ ଲଗାତାର ଭାବେ ମୋଦି ସରକାରଙ୍କୁ ଟାର୍ଗେଟ କରୁଛନ୍ତି। ଅନୁଷ୍ଠାନକୁ ଦୁର୍ବଳ କରିବା, ବିରୋଧୀଙ୍କୁ ହଇରାଣ କରିବା ଏବଂ ଫୋନ ଟାପ ଭଳି ଗୁରୁତର ଅଭିଯୋଗ କରି ରାହୁଲ ଗାନ୍ଧୀ କେନ୍ଦ୍ର ସରକାରଙ୍କୁ ଟାର୍ଗେଟ କରିଥିଲେ, କିନ୍ତୁ ଗୋଟିଏ ପ୍ରସଙ୍ଗ ଥିଲା ଯେଉଁଥିରେ କଂଗ୍ରେସ ନେତା ମୋଦି ସରକାରଙ୍କ ଆଭିମୁଖ୍ୟ ସହ ସହମତ ଥିବା ଏବଂ ଏହାକୁ ବିଦେଶ ମାଟିରେ ପ୍ରଶଂସା କରିଥିବା ଜଣାପଡିଛି। ରାହୁଲ ଗାନ୍ଧୀ ରୁଷିଆ-ୟୁକ୍ରେନ ଯୁଦ୍ଧରେ ଭାରତର ଆଭିମୁଖ୍ୟକୁ ଯଥାର୍ଥ ବୋଲି କହିଛନ୍ତି।
ରାହୁଲ ଗାନ୍ଧୀ ଷ୍ଟାନଫୋର୍ଡ ୟୁନିଭରସିଟିରେ ଏକ କାର୍ଯ୍ୟକ୍ରମରେ ଭାଗ ନେଇଥିଲେ। ଏହି ସମୟରେ ରୁଷ-ୟୁକ୍ରେନ ଯୁଦ୍ଧକୁ ନେଇ ଏକ ପ୍ରଶ୍ନ ଉପରେ ରାହୁଲ ଗାନ୍ଧୀ ସ୍ପଷ୍ଟ କରିଛନ୍ତି ଯେ ସେ ଏହି ପ୍ରସଙ୍ଗରେ ମୋଦି ସରକାରଙ୍କ ସହ ଅଛନ୍ତି। କଂଗ୍ରେସ ନେତା କହିଛନ୍ତି, ରୁଷ ସହିତ ଆମର ସମ୍ପର୍କ ଅଛି। ରୁଷିଆ ଉପରେ ଆମର କିଛି ନିର୍ଭରଶୀଳତା (ପ୍ରତିରକ୍ଷା) ଅଛି। ସେଥିପାଇଁ ମୋର ଷ୍ଟାଣ୍ଡ ଭାରତ ସରକାରଙ୍କ ଭଳି ହେବ। ସର୍ବଶେଷରେ, ଆମ ଆମ ସ୍ବାର୍ଥର ମଧ୍ୟ ଯତ୍ନ ନେବାକୁ ପଡିବ।
