ଦେଶର ସବୁଠାରୁ ଧନୀ ବ୍ୟବସାୟୀ ମୁକେଶ ଅମ୍ବାନୀ ଏବଂ ସ୍ତ୍ରୀ ନୀତା ଅମ୍ବାନୀଙ୍କ ଭାବି ସାନ ବୋହୂ ରାଧିକା ମର୍ଚେଣ୍ଟ ଯେତେବେଳେ ବି ଯାହା ପିନ୍ଧନ୍ତି ଭାରି ସୁନ୍ଦର ଦେଖାଯାଆନ୍ତି। କିନ୍ତୁ ପାରମ୍ପରିକ ପୋଷାକ କ୍ଷେତ୍ରରେ ସେ ସବୁବେଳେ ଭାବି ଶାଶୁ ନୀତାଙ୍କ ପରାମର୍ଶ ଗ୍ରହଣ କରିଥାନ୍ତି। ତେବେ ନୀତା ଶାଢ଼ି ପିନ୍ଧିବାକୁ ବେଶି ପସନ୍ଦ କରନ୍ତି। ଏଥିସହ ତାଙ୍କ ବୋହୂ ଏବଂ ଝିଅ କ’ଣ ପିନ୍ଧୁଛନ୍ତି ତାହା ଉପରେ ମଧ୍ୟ ସେ ଧ୍ୟାନ ଦେବା ସହ ନିଜର ଉପଦେଶ ଦେଇଥାନ୍ତି। ନୀତାଙ୍କ ଉପଦେଶକୁ କେହି ଅବମାନନା ମଧ୍ୟ କରି ନ ଥାନ୍ତି।
ତେବେ ନୀତାଙ୍କ ଭାବି ସାନ ବୋହୂ ରାଧିକା ପାଶ୍ଚାତ୍ୟ ପୋଷାକ ପିନ୍ଧିବାକୁ ବେଶି ପସନ୍ଦ କରନ୍ତି। କିନ୍ତୁ ଏକଦା ଶାଶୁଙ୍କ କଥାରେ ରାଜି ହୋଇ ସେ ଶାଢ଼ି ପିନ୍ଧିଥିଲେ। ନୀତା ରାଧିକାଙ୍କୁ ଅନେକ ଶାଢ଼ି ଏବଂ ଲେହେଙ୍ଗା ଉପହାର ରୂପେ ଦେଇଛନ୍ତି। ଅମ୍ବାନୀ ପରିବାରରେ ହେଉଥିବା ଅନେକ ସମାରୋହରେ ରାଧିକାଙ୍କୁ ଶାଢ଼ି ଏବଂ ଲେହେଙ୍ଗାରେ ମଧ୍ୟ ଦେଖିବାକୁ ମିଳିଥାଏ॥
ଅରମାନ ଜୈନ୍- ଅନିଶା ମଲହୋତ୍ରାଙ୍କ ରିସପଶନ ପାର୍ଟିରେ ନୀତାଙ୍କ ସହ ତାଙ୍କ ପରିବାର ସମସ୍ତ ସଦସ୍ୟ ଉପସ୍ଥିତ ଥିଲେ। ଏହି ଅବସରରେ ରାଧିକାଙ୍କ ଷ୍ଟାଇଲ ଦେଖି ସମସ୍ତେ ପାଗଳପ୍ରାୟ ହୋଇଯାଇଥିଲେ। ରାଧିକା ଏକ ନେଟ୍ ଶାଢ଼ି ପାନ୍ଧିଥିବା ବେଳେ ବହୁତ ସୁନ୍ଦର ଦେଖାଯାଉଥିଲେ। ସବୁଠାରୁ ଖାସ୍ କଥା ହେଲା ତାଙ୍କର ଏହି ଲୁକ୍ ଜଣେ ନୂଆ ବୋହୂ ପରି ଲାଗୁଥିଲା। ଏହି ଶାଢ଼ି ତାଙ୍କୁ ଭାବି ଶାଶୁ ନୀତା ଉପହାର ରୂପେ ଦେଇଥିଲେ।
ରାଧିକାଙ୍କ ଏହି ଶାଢ଼ିକୁ ଲୋକପ୍ରିୟ ଡିଜାଇନର ସବ୍ୟସାଚୀ ଡିଜାଇନ କରିଥିଲେ। ଏହି ଶାଢ଼ି ସହ ସେ ଫ୍ଲୋରଲ ବୋଟକଟ୍ ବ୍ଲାଉଜ୍ ପିନ୍ଧିଥିଲେ। ସେ ହୀରାର ହାର ଏବଂ ମେଚିଂ କାନ ଫୁଲ ପିନ୍ଧି ସମସ୍ତଙ୍କ ମନ ମୋହିପାରିଥିଲେ।
