ନୂଆଦିଲ୍ଲୀ,୧ ।୧୦:ପଞ୍ଜାବର ନୂଆ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନୀ ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନୂଆଦିଲ୍ଲୀ ସ୍ଥିତ ତାଙ୍କ ବାସଭବନରେ ସାକ୍ଷାତ୍ କରିଛନ୍ତି । ପ୍ରାୟ ୧ ଘଣ୍ଟା ଧରି ମୋଦିଙ୍କ ସହ ମୁଖ୍ୟମନ୍ତ୍ରୀ ଚନ୍ନୀ ଆଲୋଚନା କରିଥିଲେ । ଏହି ସମୟରେ ସେ ୩ଟି ଯାକ ନୂଆ କୃଷି ଆଇନକୁ କେନ୍ଦ୍ର ସରକାର ଫେରାଇ ନେବାକୁ କହିବା ସହ କୃଷକମାନେ ପୁଣିଥରେ ସରକାରଙ୍କ ସହ ଆଲୋଚନା କରନ୍ତୁ ବୋଲି କହିଥିଲେ । ସେ କହିଛନ୍ତି ମୋଦିଙ୍କ ସହ ଭଲ ବତାବରଣ ମଧ୍ୟରେ ଆଲୋଚନା ହେଲା । ଏହାସହ ଫସଲ କ୍ରୟକୁ ନେଇ ବି ଉଭୟ ଅଲୋଚନା କରିଛନ୍ତି । ଧାନ କ୍ରୟ ଶୀଘ୍ର ଆରମ୍ଭ କରିବାକୁ ଚନ୍ନୀ ମୋଦିଙ୍କୁ ପ୍ରସ୍ତାବ ଦେଇଥିବା କହିଛନ୍ତି । ସରକାର ଏହାର ସମୟ ୧୦ ଅକ୍ଟୋବର ରଖିଥିବା ବେଳେ ପଞ୍ଜାବରେ ଏହା ଅକ୍ଟୋବର ୧ରୁ ଆରମ୍ଭ ହୋଇଥାଏ । ଏହାସହ ମୋଦିଙ୍କୁ ସାକ୍ଷାତ୍ କରି ଚନ୍ତୀ କରୋନା ମହାମାରୀ ଯୋଗୁ ବନ୍ଦଥିବା କରତାରପୁର କରିଡରକୁ ପୁଣିଥରେ ଖୋଲିବାକୁ ଅନୁରୋଧ କରିଛନ୍ତି ।
